Die historiese plaas Zandvliet is nou deel van die stadsgebied van Macassar.
Ligging Hierdie plaas was by die samevloeiing van die Kuilsrivier en die Eersterivier. Dit is dus naby die huidige dorp Faure en die wynplaas Meerlust en die kramat van sjeik Joesoef (*Makassar, Celebes, Nederlands-Indië, 1626 - †Kaap die Goeie Hoop, 23 Mei 1699).
Geskiedenis In 1609 ken goew. Willem Adriaan van der Stel hier ‘n 50 hektaar aan ds. Petrus Kalden toe. Twee jaar later word dit met ‘n 25 ha vergroot. Kalden keer daarna na Nederland terug en word Abraham Benthem die eienaar en kry in 1707 ‘n addisionele 6 ha. In 1708 is Michiel Romond die eienaar van al drie stukke. Van 1717 tot 1726 is Johannes Swellengrebel (die vader van die latere goewerneur Hendrik Swellengrebel) die eienaar. Vanaf 1760 is Hendrik Cloete (later ook eienaar van Groot Constantia) en daarna verskeie van sy nageslag die eienaars. Vanaf die begin van die 20ste eeu is dit die eiendom van die Faure-familie. Die H-vormige huis (met die Kaaps-Hollandse gewel) en buitegeboue het nie behoue gebly nie.
Bibliografie faure.co.za/faurefiles/ Fransen, Hans (samesteller): A Cape Camera – the architectural beauty of the old Cape. Photographs form the Arthur Elliott collection in the Cape Archives. Johannesburg: Ad. Donker en Jonathan Ball,1993. Fransen, Hans: A guide to the old buildings of the Cape. A survey of extant architecture from before c1910 in the area of Cape Town, Calvinia, Colesberg, Uitenhage. Kaapstad: Jonathan Ball, 2004.
Kategorie:Kaapstad