Die bronskiewiet (Vanellus chilensis), algemeen bekend as die quero-quero in Brasilië, tero in Argentinië en Uruguay, tero-tero in Paraguay en queltehue in Chili, is 'n waadvoël in die Charadriiformes, of steltloperagtiges. Dit is 'n algemene en wydverspreide standvoël regdeur Suid-Amerika, met die uitsondering van digbeboste streke (soos onversteurde Amasonereënwoud), die hoërliggende dele van die Andes, en die dorre kusstrook aan die suidwestekant van Suid-Amerika. Die spesie is besonder algemeen in die opvangsgebied van die Río de la Plata. In onlangse jare het dit deur Sentraal-Amerika versprei. Dit het Trinidad in 1961 bereik, Tobago in 1974, en het op albei eilande vinnig in getalle toegeneem. Sporadies is dit ook noordwaarts opgemerk, soos in Barbados, waar een broeipaar in 2007 geslaag het om kuikens voort te bring. Dit is ook in Noord-Amerika opgemerk, met 'n aantekening van 'n voël in Texas, wat op 17 April 2024 op die Birda.org-webwerf gerapporteer is.
Die bronskiewiet is die nasionale voël van Uruguay. Van die nasionale voël is die Uruguaanse nasionale rugbyspan se bynaam Los Teros (“die Teros”) afgelei en dit verskyn ook in die Uruguaanse Rugbyunie se embleem.
Galery
Verwysings
Eksterne skakels
Kategorie:Steltloperagtiges