Allanridge is 'n mynboudorp in die Lejweleputswa Distriksmunisipaliteit in die Noord-Vrystaat, Suid-Afrika. Die dorp is 50 km suid van Bothaville en is deel van die Vrystaatse Goudveld.
Geskiedenis Die dorp is in 1950 gestig en vernoem na Allan Roberts, die Johannesburgse geoloog en tandtegnikus wie se boorgat op die nabygeleë plaas Aandenk binne 122 m van een van die rykste gouddraende riwwe in die wêreld gekom het. Allanridge is ontwerp deur die stadsbeplanner William Backhouse wat ook Welkom uitgelê het. Dit het op 21 Desember 1956 'n munisipaliteit geword.
Omgewing Al die water wat uit die myne kom word in 'n reuse meer gepomp waar duisende voëls nes geskop het. Die meer is Stinkpan gedoop.
Sien ook Aandenk-boorgat Lys van dorpe in Suid-Afrika Phathakahle, sy township
Verwysings
Bronne
Kategorie:Nedersettings in die Vrystaat