Oscar Jack Piastri (gebore 6 April 2001) is 'n Australiese renjaer wat vir die McLaren-span aan Formule Een deelneem. Hy is die eerste Formule Een-jaer wat in die 21ste eeu gebore is.

Hy het die 2019 Formule Renault Eurocup met R-ace GP gewen, en die 2020 FIA Formule 3-kampioenskap en 2021 Formule 2-kampioenskap met Prema Racing gewen. Hy is slegs die sesde jaer wat die GP2 / Formule 2-kampioenskap in hul debuutseisoen kon wen, en die vyfde jaer wat die GP3 / Formule 3 -kampioenskap en die GP2/Formule 2-kampioenskap in opeenvolgende seisoene kon wen. Vanweë sy sukses in die laer formules word Piastri wyd beskou as een van die mees belowende jong jaers in motorsport.

Vroeg in 2016 het Piastri sy eerste groot borgskap, HP Tuners (gestig en besit deur sy pa) gekry, wat gehelp het om sy renloopbaan te finansier. Dit is tydens die GP3-reeks, F3- en F2-seisoen op sy renpak en motor vertoon. Later in 2016 het Piastri sy enkelsitplek-debuut in geselekteerde rondtes van die Formule 4 VAE-kampioenskap vir Dragon F4 gemaak en twee podiums verower om sesde in die kampioenskap te eindig. duimnael| Piastri jaag by Monza in die 2018 Formule Renault Eurocup-kampioenskap

FIA Formule 3-kampioenskap In Oktober 2019 het Piastri by die na-seisoen toets by die heersende FIA Formule 3- spankampioene Prema Racing aangesluit. In Januarie 2020 het die Italiaanse span Piastri onderteken om die komende seisoen mee te ding saam met Logan Sargeant en 2019 Formule Streeks Europese kampioen Frederik Vesti.

Piastri het derde op die rooster weggespring vir sy debuutren by die Red Bull Ring. Hy het egter by die eerste draai met Sebastián Fernández gebots, maar skade vermy en voortgegaan om te wen. Piastri het drie agtereenvolgende tweede plekke behaal by beide Hungaroring-renne en die eerste Silverstone-skouren, voordat sy eerste onttrekking van die seisoen by die volgende Silverstone-naelren gekom het toe 'n vasgesteekte DRS hom uitgedwing het. Sy spanmaat Sargeant het die voortou in die kampioenskap by Piastri oorgeneem by die tweede Silverstone-hoofren nadat Piastri met betroubaarheidskwessies in die kwalifisering gesukkel het. Piastri het vyfde weggespring vir die naelren in Barcelona, maar het verskeie motors verbygesteek om voor die einde van die eerste rondte die voortou te neem. Hy het sy posisie behou om sy tweede oorwinning te behaal. Piastri het die kampioenskapsvoorsprong teruggekry nadat hy vyfde geëindig het by die volgende Spa-Francorchamps-funksieren, maar het weer teruggesak nadat hy gepenaliseer is vir 'n onwettige verbysteek in die naelren, wat Sargeant gewen het. duimnael|Piastri by die 2021 Silverstone Formule 2-rondte

Formule 1-loopbaan Piastri het in Januarie 2020 by die Renault Sportakademie aangesluit. Nadat hy die FIA Formule 3-kampioenskap in 2020 gewen het, het hy in Oktober aan sy eerste Formule Een-toets vir die Renault F1-span deelgeneem en die Renault RS18 by die Bahrein Internasionale Renbaan saam met mede-akademiejaers Christian Lundgaard en Zhou Guanyu bestuur. Hy het in 2021 deel gebly van die Alpine Academy wat nou hernaam is en in Desember die Alpine A521 in die na-seisoen jongbestuurderstoets by die Yas Marina-renbaan bestuur.

Ná sy Formule 2-titeloorwinning is Piastri as die Alpine F1-span se reserwejaer vir die 2022 seisoen aangestel. Hy is ook as reserwejaer vir McLaren beskikbaar gestel ná 'n ooreenkoms tussen die twee spanne. Hy het deur die seisoen aan Alpine se toetssessies in die A521 deelgeneem, insluitend by die Circuit of the Americas, Losail Internasionale Renbaan en die Silverstone-renbaan. Die hoof van die McLaren-span, Andreas Seidl, het bevestig dat Piastri die week voor die 2022 São Paulo Grand Prix aan 'n privaat tweedag-toetssessie in 'n vorige-spesifikasie McLaren-motor by Paul Ricard-renbaan deelgeneem het.

Kontrakdispuut met Williams In Junie 2022 is berig dat Piastri in 2023 vir Williams sou bestuur op lening van Alpine, toe aanvanklik verwag is dat Esteban Ocon en Fernando Alonso deur Alpine behou sou word. Alonso het egter in Augustus aankondig dat hy die span sou verlaat om Sebastian Vettel by Aston Martin te vervang. Alpine het aangekondig dat Piastri Alonso in 2023 sou vervang. Piastri het Alpine se aankondiging via 'n plasing op Twitter verwerp, en gesê dat dat hy nie enige kontrak met die span geteken het nie, en dus nie vir hulle sal jaag in 2023 nie. Alpine se spanhoof, Otmar Szafnauer het Piastri gekritiseer en gedreig om die saak arbeidshof toe te neem.

McLaren (2023–) Piastri het in 2023 vir McLaren begin jaag saam met Lando Norris. Alpine het ingestem om Piastri se kontrak vroeg te beëindig om hom toe te laat om by McLaren aan te sluit in die na-seisoentoetssessie onmiddellik na die 2022 Abu Dhabi Grand Prix. In sy eerste wedren in die 2023 Bahreinse Grand Prix, was Piastri die eerste wat uit die wedren op rondte 14 geval het, toe sy motor weens 'n elektroniese fout nie weer wou vat ná 'n stuurwielverandering nie. Na 'n chaotiese Australiese Grand Prix het Piastri sy eerste punte in Formule Een en vir McLaren aangeteken deur agtste te eindig.

Eerste oorwinning in F1 Op 21 Julie 2024 wen hy sy eerste Grand Prix, die Hongaarse Grand Prix naby Boedapest.

Formule 1-uitslae

JaarInskrywerOnderstelEnjin123456789101112131415161718192021222324PlekPunte 2023 McLaren McLaren MCL60 Mercedes F1 M14 E Performance V6 t BHRDNF SAU15 AUS8 AZE11 MIA19 MON10 SPA13 KAN11 OOS16 GBR4 HON5 BELDNF NED9 ITA 12 SIN7 JPN3 KAT12 VSADNF MXS8 SAP14 LSV10 ABU6997 2024 McLaren McLaren MCL38 Mercedes F1 M15 E Performance V6 t BHR8 SAU4 AUS4 JPN8 CHN78 MIA613 EMI4 MON2 KAN5 SPA7 OOS22 GBR4 HON1 BEL2 NED4 ITA2 AZE1 SIN3 VSA5 MXS8 SAP28 LSV7 KAT13 ABU1042922025 McLaren McLaren MCL39 Mercedes F1 M16 E Performance V6 t AUS9 CHN21 JPN3 BHR1 SAU1 MIA21 EMI3 MON3 SPA1 KAN4 OOS2 GBR2 BEL21 HON2 NED1 ITA3 AZEDNF SIN4 VSA5 MXS5 SAP5 LSVDSQ KAT12 ABU24102026* McLaren McLaren MCL40 Mercedes F1 M17 E Performance V6 t h AUSDNS CHN6DNS JPN2 MIA23 KAN411 MON4 BKT5 OOS4 GBR711 BEL5 HONDNF NED56 ITA 5 SPA8 AZE13 BHR SIN VSA MXS SAP LSV KAT ABU** * Seisoen is nog aan die gang.

Verwysings

Kategorie:Australiese renjaers Kategorie:Formule Een-renjaers Kategorie:Geboortes in 2001 Kategorie:Lewende mense