Jochem „Joki“ Schindler (* 8. November 1944 in Amstetten; † 24. Dezember 1994 in Prag) weer een öösterriekschen Indogermanist. Ook wenn de Tall Publikatschonen vun em vergleken mit anner Forscherlüüd in dat Fack lütt is, weer siene Arbeid een wichtigen Bidrag to’n Verständnis vun de indogermaansche Oorspraak un den Afluud in’t Indogermaansche. Sien Motto „Mut zum Irrtum“ () wurr ook ünner sienen Kollegen begäng, so as Calvert Watkins mit den he 1982 de East Coast Indo-European Conference grünn.Calvert Watkins dies at 80. Harvard Gazette. 28.03.2013, opropen den 06.01.2022.

Leven un Wark Jochem Schindler wurr den 8. November 1944 in Amstetten in Nedderöösterriek boren. He keem 1952 na Linz, wo he de högere School, dat Humanistische Bundesgymnasium, besöch un 1962 dat Abituur maakt het. Denn studeer he in Wien bi Heinz Kronasser un folg em na de Universität in Wörzborg, üm dat he daar ünner Kronasser wieder studeren wull. 1972 wurr he, nadem Kronasser miteens bi een Malöör mit’t Auto ümkamen weer, in Wörzborg in de Fäcker Indogermanistik, Italoromaansche Philologie un Philosophie summa cum laude promoveert. He weer denn dree Jaar Assistent an de Universität Wien un gung denn 1974 in de Verenigten Staten an de Harvard University, wo he gau all de Räng vun de Universitätsloopbaan dörlopen het, vun’n Visiting Lecturer to’n Assistant Professor un wieder to’n Associate Professor. Toletzt wurr he daar – bloots söss Jahr na de Promotschoon – in’t Jaar 1978 to’n Full Professor of Linguistics beropen. In’t Jaar 1987 het he denn, na längere Twieveln, den Roop torügg in de Heimat an de Universität Wien annamen un weer daar nu as orntlichen Perfesser för indogermanansche Spraakwetenschop togang. Schindler kreeg 1986 de Collitz-Professur vun de Linguistic Society of America verleent un in Öösterriek is he korresponderen Liddmaat vun de Österreichische Akademie der Wissenschaften worrn. Vun 1993 an weer he Vöösitter vun de Akademie eer Kommisschoon för Iranistik. An de Harvard University un ook in Wien harr he wichtige akadeemsche Ämter (1981–1985 Chairman of the Department of Linguistics, 1990–1992 Dekaan vun de Geistswetenschopliche Fakultäät vun de Universität Wien).

Op’n 6. Dezember 1994 is Jochem Schindler bi ene Gastvöörlesung in Prag wegen ene Blöden in’t Bregen tohoopbraken un an de Folgen op’n 24. Dezember 1994 in’t Prager Homolka-Krankenhuus doodbleven.

He un siene Fro Hermione harrn een gemeensaam Kind.Velizar Sadovski, David Stifter, Bettina Hofleitner, Stefan Schumacher: Iranistische und indogermanistische Beiträge in Memoriam Jochem Schindler (1944–1994). Wien, Austrian Academy of Sciences Press 2012. ISBN 978-3-7001-6606-1.

Schriften (Uutwahl) 1966: Germanisch selχaz „Seehund“. In: Die Sprache 12, S. 65–66. 1966: Bemerkungen zum idg. Wort für „Schlaf“. In: Die Sprache 12, S. 67–76. 1966: Hethittisch lissi „Leber“. In: Die Sprache 12, S. 77–78. 1969: Die idg. Wörter für „Vogel“ und „Ei“. In: Die Sprache 15, S. 144–167. 1970: Review of Raimo Anttila's Proto-Indo-European Schebeablaut. Berkeley: U. California Press 1969. In: Kratylos 15, S. 146–152. 1972: L'apophonie des noms racines indo-européens. In: Bulletin de la Société Linguistique de Paris 67, S. 1–10. 1973: Bemerkungen zur Herkunft der idg. Diphthongstämme und zu den Eigentümlichkeiten ihrer Kasusformen. In: Die Sprache 19, S. 148–157. 1973: Wortbildungsregeln. In: Die Sprache 19, S. 39–52. 1975: Zu hethitisch nekuz. In: Die Sprache 21, S. 289–303. 1975a: L'apophonie des thèmes indo-européens en -r/n. In: Bulletin de la Société Linguistique de Paris 70, S. 1–10. 1975b: Zum Ablaut der neutralen s-Stämme des Indogermanischen. In: Helmut Rix (Ruutgever): Flexion und Wortbildung. Wiesbaden: Reichert, S. 259–267. 1976: On the Greek type ππεύς. In: A. Morpurgo Davies, W. Meid (Ruutgever): Studies in Greek, Italic and Indo-European linguistics offered to L. R. Palmer on the occasion of his seventieth birthday. Innsbruck: Institut für Sprachen und Literaturen der Universität Innsbruck, S. 349–352. 1977a: A thorny problem. In: Die Sprache 23, S. 25–35. 1977b: Notizen zum Sieversschen Gesetz. In: Die Sprache 23, S. 56–65. 1980: Zur Herkunft der altindischen cvi-Bildungen. In: M. Mayrhofer, M. Peters, O. E. Pfeiffer (Ruutgever): Lautgeschichte und Etymologie: Akten der VI. Fachtagung der Idg. Gesellschaft. Wiesbaden: Reichert, S. 386–393. 1986: Zu den homerischen ροδοδακτυλος-Komposita. In: Annemarie Etter (Ruutgever): O-o-pe-ro-si: Festschrift für Ernst Risch zum 75 Geburtstag. Berlin: de Gruyter, S. 393–401. 1994: Alte und neue Fragen zum indogermanischen Nomen. In: Jens E. Rasmussen (Ruutgever): In Honorem Holger Pederson. Wiesbaden: Reichert, S. 397–400.

Literatuur Heiner Eichner (Ruutgever): Compositiones Indogermanicae in memoriam Jochem Schindler. Enigma, Prag 1999. Wolfgang U. Dressler: Jochem Schindler (1944–1994). In: Die Sprache 37/1, 1995, S. 1–4. Rüdiger Schmitt: Jochem Schindler. Ein Nachruf. In: Almanach der Österreichischen Akademie der Wissenschaften 145, 1995, S. 581–594. – Mit Schriftenverzeichnis.

Weblenken

Jochem Schindler in de Titus Galeria

Footnoten

Kategorie:Mann Kategorie:Börger von Öösterriek Kategorie:Boren 1944 Kategorie:Storven 1944 Kategorie:Indogermaansch Kategorie:Spraakwetenschop Kategorie:Perfesser