Jens Elmegård Rasmussen (* 15. März 1944; † 15. Mai 2013) weer een däänschen Spraakwetenschopper. He weer extraordinären Perfesser för Indogermanistik an de Universität Kopenhagen un vun 2008 an bet to sienen Dood Leider vun dat Forschungszentrum Roots of Europe .
He weer een Fackmann för de oorindoeuropääsche Spraak un de indoeuropääschen Spraken allgemen un befaat sik besünners mit de Morphophonemik. Bavento forsch he ook to de Geschicht vun de Eskimo–Aleutschen Spraken un över spraakliche Diachronie allgemen. He harr de Ansicht, dat de indoeuropääschen Spraken in grötteren hypotheetschen Spraakfamilien, so as Indouraalsch un Eurasiaatsch, mit ene noch gröttere Tall Spraken verwandt sünd.
Elmegård Rasmussen weer Ruutgever vun de internatschonale Facktiedschrift Tocharian and Indo-European Studies (TIES) un Chefredakteur vun de Bookreeg Copenhagen Studies in Indo-European. He weer verfreet mit de däänsche Indogermanistin Birgit Anette Olsen.
Schriften (Utwahl) 1979: Anaptyxis, gemination and syncope in Eskimo: A diachronic study. Kopenhagen: Copenhagen Linguistic Circle. 1989: Studien zur Morphophonemik der Indogermanischen Grundsprache. Innsbruck: Innsbrucker Beiträge zur Sprachwissenschaft. 1999: Selected Papers on Indo-European Linguistics. Kopenhagen: Museum Tusculanum Press.
Footnoten
Kategorie:Mann Kategorie:Boren 1944 Kategorie:Storven 2013 Kategorie:Börger von Däänmark Kategorie:Indogermaansch Kategorie:Spraakwetenschop