miniatur|Percy Heath; 1977 Percy Heath (* 30. April 1923 in Wilmington, North Carolina; † 28. April 2005 in Southampton, New York) weer en US-amerikaansch Jazz-Kontrabassist.
Leven Upwussen in Philadelphia, hett Percy tonächst Geige lehrt un speel in dat Schoolorchester Vigelien, bit he in’n Bass dat to hüm passend Instrument funn. Nah de Deensttiet bi den Tuskegee Airmen, en Flegereenheit vun de United States Army Air Forces ahn Utnahm blot för Swarte, fung he en Musikstudium an de Granoff School of Music an. 1947 gung he mit sien Bröer, den Komponisten un Saxophonisten Jimmy Heath, nah New York City to de Band vun Howard McGhee. He hett aber ok mit anner Protagonisten vun den modernen Jazz arbeit, so mit Charlie Parker un Thelonious Monk, mit Miles Davis, J. J. Johnson, Sonny Rollins oder Fats Navarro.
Van 1950 bis 1952 weer Percy Heath Bassist in dat Sextett vun Dizzy Gillespie. Dornah hett he mit twee Früenden ut dat Milt Jackson Quartet dat Modern Jazz Quartet grünnd, dat dör tallriek Upträen in veer Johrteihnten internatschonales Ansehn kriegen sull. Sien Partner weern neben Milt Jackson (Vibraphon) noch John Aaron Lewis (Piano) un Kenny Clarke (Slagtüüch), all ut de Grupp üm Gillespie. 1955 hett he an dat Prestige-Album Miles Davis and Milt Jackson Quintet/Sextet mitwarkt, mit dat sien langjohrig Tosommenarbeit mit Miles Davis to Enn’n gung. 1961 hett he bi Elmo Hope sien Album Homecoming! mitmaakt.
1975 hett he mit sien Bröers Jimmy un Albert „Tootie“ Heath (Slagtüüch) de Formatschpon The Heath Brothers grünnd He hett ok mit Sarah Vaughan arbeit un weer bit en groot Tall vun Produktschonen vun de Labels Prestige un Blue Note bedeeligt.
Percy Heath is kört nah sien 82. Gebortsdag an Knakenkrebs storven. Noch an’n 7. November 2003 is he mit sien Bröers (The Night of the Brothers) un den Petrocca-Brothers in de sösste JazzNight vun Baden-Baden uptreeden.
2002 kreeg he dat NEA Jazz Masters Fellowship vun de staatlich NEA-Stiftung.
Weblinks
Nahroop in The New York Times
Diskografie Percy Heath eer in den Verloop vun sien Karriere an mehr as 200 Plattenupnahmen bedeeligt. Nahfolgend en Utwahl: Modern Jazz Quartet, The Artistry of the Modern Jazz Quartet (Prestige, 1952–1955) Miles Davis and the Modern Jazz Giants (Prestige 1954) Miles Davis: Collectors’ Items (Prestige 1956) Sonny Rollins and the Big Brass (MetroJazz Records, 1958) Jimmy Heath, Really Big! (Original Jazz Classics, 1960) Heath Brothers, Marchin’ On! (Strata-East, 1976) Heath Brothers, Brotherly Love (Antilles, 1991) Modern Jazz Quartet, Celebration (Atlantic, 1992) Jimmy Heath, A Love Song (Daddy Jazz, 2004)
Kategorie:Mann Kategorie:Börger von de USA Kategorie:Boren 1923 Kategorie:Storven 2005 Kategorie:Jazzmusiker