rechts|duum|Offizielles NASA-Foto Oleg Germanowitsch Artemjew (russisch:Олег Германович Артемьев; * 28. Dezember 1970 in Riga, Lettische SSR, UdSSR) is en russisch Kosmonaut.

Utbillen Bit 1990 hett Artemjew an dat Polytechnikum in Tallinn studeert. 1998 hett he sien Afsluss an de Staatliche Technische Universität Moskau in Moskau maakt. Indrag in de Encyclopedia Astronautica (engelsch)

Kosmonautentätigkeit Utbillen Artemjew wurr as Liddmaat vun de 15. RKK-Energija-Utwahlgrupp an’n 29. Mai 2003 utwählt. Sien Kosmonautengrundutbillen hett he an’n 28. Juni 2005 afslooten.

För den Floog vun Sojus TMA-10M weer he in de Ersatzmannschap indeelt.

Sojus TMA-12M – ISS-Expeditschonen 39/40 mini|Oleg Artemjew arbeit in en Orlan Ruumantoog buterhalv vun de Internatschonalen Ruumstatschpoon (ISS) wiels de Expedition 40, upnommen an’n 18. August 2014. Artemjew nehm as Bordingenieur an de ISS-Expeditschonen 39 un 40 deel. Dat Ruumschipp Sojus TMA-12M mit Kommandant Alexander Alexandrowitsch Skworzow und de Bordingenieure Steven Ray Swanson un Artemjew is an’n 25. März 2014 start, de Kopplung kunn wegen Problemen mit de Ruumschippstüern nich as vörsehn nah knapp söss Stünn dörführt wurrn, sonnern eerst twee Daag later, an’m 27. März. An Bord vun de Ruumstatschoon weern all Kōichi Wakata, Michail Wladislawowitsch Tjurin un Richard Alan Mastracchio. Nahdem disse bitherige Crew weer land is, keemen Maksim Viktorovich Surayev, Gregory Reid Wiseman un Alexander Gerst mit dat Ruumschipp Sojus TMA-13M nee dorto un billen denn de ISS-Expedition 40.

An‘n 11. September 2014 sünd Artemjew, Skworzow un Swanson weer up de Eer land. In’n Februar 2016 wurr Artemjew de Titel Held vun de Russisch Föderatschoon verleeht.Erlass des Präsidenten der Russischen Föderation N 59 vom 15. Februar 2016 „Über die Auszeichnung mit den staatlichen Auszeichnungen der Russischen Föderation“ (russisch)

Sojus MS-08 – ISS-Expeditschonen 55/56 mini|Oleg Artemjew arbeit an Bord vun de Internatschonale Ruumstatschoon in dat Columbus Modul wiels de ISS-Expedition 55. Mit dat Ruumschipp Sojus MS-08 is Artemjew an‘n 21. März 2018 to sien tweet Mission as Bordingenieur vun de ISS-Expeditionen 55 un 56 start. He weer Kommandant vun dat Ruumschipp. Dorto keemen de beid Amerikaner Andrew Jay Feustel un Richard Robert Arnold. Tosommen mit Anton Nikolajewitsch Schkaplerow, Scott David Tingle un Norishige Kanai, de all up de ISS weer, hemm se denn de ISS-Expeditschoon 55 billd. De olt Crew is denn dör Sergei Walerjewitsch Prokopjew, Alexander Gerst un Serena Auñón-Chancellor aflöst wurrn, so dat de un de Crew vun Artemjew nu de ISS-Expedition 56-Crew billen deen. An’n 15. August monteer Artemjew gemeensam mit Sergei Prokopjew, bi en mehr Stünnen düern Butenbordinsatz up de ISS, die ICARUS-Antenne. De Rückkehr vun Arttemjew un sien Crew weer an’n 4. Oktober 2018.

Sojus MS-21 – ISS-Expeditschonen 66/67 Start Artemjew weer ok Kommandant vun de Sojus MS-21-Mission tosommen mit Denis Wladimirowitsch Matwejew un Sergei Wladimirowitsch Korsakow, de an’n 18. März 2022 start sünd. An den sülvigen Dag hemm se spoodriek manuell an dat Pritschal-Knüttmodul vun dat russisch ISS-Segment andockt. Dat weer de eerste Sojus-Mission to de ISS, de ahn Utnahm russisch Kosmonauten an Bord harr.

Bi dat Andocken vun Sojus MS-21 leep up de ISS de ISS-Expedition 66, Kommandant weer dor Anton Nikolajewitsch Schkaplerow. Dorto hörrn ok noch de Ruumfohrer Pjotr Walerjewitsch Dubrow, Mark Thomas Vande Hei, Raja Chari, Thomas Henry Marshburn, Matthias Maurer un Kayla Jane Barron. Mit dat Afdocken vun Sojus MS-19 an‘n 30. März 2022, 7:21 UTC gung de ISS-Expeditschoon 66 to Enn’n un ISS-Expeditschon 67 fung an. Dat Kommando hett Thomas Marshburn övernommen. Marshburn, Chari, Maurer un Barron sünd in’n Mai 2022 to de Eer torüchkehrt un wurrn dör Kjell Norwood Lindgren, Robert Thomas Hines, Samantha Cristoforetti un Jessica Andrea Watkins ersett.

Butenbordinsätze Nah en Reeg vun Butenbordinsätzen in’n April 2022 sull de Europääsch Roboterarm (ERA) in Bedriev nommen wurrn. Dorbi hemm Oleg Artemjew un sien Kolleeg Denis Matwejew tonächst bi en Insatz an’n 18. April en externes Stüermodul anbrocht, hemm Schuulafdecken aflöst un Fasthollengreep anbrocht. Bi en wiederen Utstieg an’n 28. April hemm Artemjew un Matwejew wiedere Arbeiten to de Inbedrievnahm vun ERA dörführt.

Rückkehr to de Eer De dree Kosmonauten sünd an’n 29. September 2022 weer up de Eer lannd. Nah dree Langtietinsätzen mit 560 Daag in’t All leeg Artjemjew dormals up Platz 12 in de Ranglist vun de erfohrenst Ruumfohrer.

SpaceX Crew-12 Oleg Artemjew sull mit de Mission SpaceX Crew-12 en veert Mal to de ISS starten. In‘n Dezember 2025 – rund tweeeenhalv Maand vör den plaant Start – wurr he aber ut de Besatten ruttrucken. Roskosmos hett as Begrünnen en „Wechsel zu einer anderen Tätigkeit“ angeven. De Nahrichtensiet The Insider hett bericht, dat Artemjew ut de USA utwiest wurrn weer. Hüm wurr vörsmeeten gegen de International Traffic in Arms Regulations verstött to hemm, indem he in en SpaceX-Anlaag in Hawthorne Ünnerlagen un Drievwarkskomponenten fotografeert un de Upnahmen wiedergevn harr. De Vörfall weer luut Bericht Enn’n November 2025 un harr en Ünnersöken vun mehreren US-Behörden utlööst. Artemjew wurr denn dör Andrej Walerjewitsch Fedjajew as Missionsspezialist ersett. De weer all in 2023 as Deel vun de SpaceX Crew-6 up de ISS.

Politik Bi de Wahl 2019 wurr he to’n Liddmaat vun de Moskauer Stadtduma wählt. He hörrt de Fraktschoon vun Einiges Russland an.

Utteknungen Ehrenbörger vun Gagarin (2015) Ehrenbörger vun Baikonur (2015) Held vun de Russisch Föderatschoon (2016) Ehrenbörger vun Sneschinsk (2018) Verdeenstorden för dat Vaderland (2020)

Privates Mit sien Fru Anna Sergevna Malichova hett he dree Kinner.

Weblinks

Kurzbiografie von Oleg Germanowitsch Artemjew bi spacefacts.de Homepage von Oleg Artemyev (russisch/engelsch) Twitter von Oleg Artemyev @OlegMKS Instagram vun Oleg Artemyev

Enkeld Nahwiesen

Kategorie:Mann Kategorie:Boren 1970 Kategorie:Börger von de Sowjetunion Kategorie:Börger von Russland Kategorie:Ruumfohrer Kategorie:Politiker (Russland)