rechts|duum|Tannheimer 2025 in Oberhof Julia Tannheimer (* 1. August 2005 in Ulm) is en düütsch Biathletin. Se is fief Mal Jöögd- bzw. Junioren-Weltmeesterin wurrn un löppt siet 2024 im Weltcup.
Anfänge Julia Tannheimer hörr vun Anfang vun hör Karriere an to de best Biathletinnen vun hör Johrgang in Düütschland.
In de Saison 2021/22 nehm se an hör eerst Düütschlandpokalrennen deel. Se bestimm dorbi wegen hör löperisch Dominanz de Konkurrenz in hör Öllersklass 17; se reck in all Rennen dat Podium un wunn Anfang Februar veer Rennen nahnanner. Se drüff dormit ok an de Biathlon-Juniorenweltmeesterschapen 2022 in Soldier Hollow deelnehmen un keem dor bi hör Rennen dreemal ünner de best Teihn.
Dornah geev dat wiedere goot Rennen. Bi de Biathlon-Juniorenweltmeesterschaften Anfang März in Schtschutschinsk nehm Tannheimer weer an de Rennen in de Jöögdkategorie deel, In all dree Rennen leep se weer de best Looptiet un wunn in‘n Sprint un in de Verfolgung mit groot Vörsprung Gold vör Julia Kink. Mit hör tosommen un Lea Zimmermann kunn se ok de Staffel winnen un in de Mixed-Staffel reck se noch de Sülvermedaille.
Saison 2023/24 In dat Fröhjohr 2023 wurr Julia Tannheimer vun den Düütschen Skiverband noch as Jöögdathletin in de vun Andreas Birnbacher traineert Junioren-Lehrgangsgrupp 2a upnommen.
Vör Beginn vun de Saison 2023/24 hett sück Tannheimer bi internen Rennen in Martell unverwacht för den IBU-Cup qualifizeert un geev Enn’n November in Kontiolahti hör Debüt in‘n internatschonalen Utwussenberiek. Nahdem se in de Folgeweek in Idre all tweemal ünner de best Teihn loopen weer, gelung dat hör in Sjusjøen trotz dree Scheetfehler den Massenstart 60 to winnen, womit se mit 18 Johren un 137 Daag to de jüngste Siegerin vun en IBU-Cup-Eenzelrennen in de Historie wurr.
Nahdem se Anfang Januar bi den IBU-Cup in Martell weer de Looptieden mitbestimmt harr, wurr Tannheimer för den Weltcup in Ruhpolding nomineert un geev an’n 12. Januar 2024 hör Debüt in de hööchst Rennserie. Mit en Rennen ahn Scheetfehler reck se Platz 15 un keem dormit glieks düütlich in de Punkteränge. In dat Verfolgungsrennen keem se up Rang 33. Um sück up School un Abitur to konzentreeren, hett se up de Europameesterschapen verzicht un hett blots noch twee IBU-Cup-Renne bestreeden.
Enn’n Februar nehm Tannheimer denn an de Juniorenweltmeesterschapen in Otepää, ditmal in de Juniorenkategorie (U22), deel. Dor wunn se denn in’t Eenzel un mit de Staffel de Goldmedaille un in’nb Sprint un mit de Mixed-Staffel de Sülvermedaille. Dornah nehm se blots noch an en IBU-Cup-Rennen deel, weil se sück wieder up de School konzentreeren muss.
Saison 2024/25 mini|Tannheimer bi den Weltcup in Oberhof in‘n Januar 2025
To de Saison 2024/25 wurr Julia Tannheimer vun den DSV de nu vun Birnbacher traineert Lehrgangsgrupp 1b, d. h. dat B-Team, toordnet. Se nehm allerdings gemeensam mit Julia Kink ol an eenige Trainingslagern vun de A-Natschonalmannschap von Kristian Mehringer un Sverre Olsbu Røiseland deel un kreeg en Startrecht för de Weltcup-Qualifikatschoon. Bi de Düütsch Meesterschapen in‘n Sömmer in Altenberg wunn se de Goldmedaille in‘n Sprint un wurr de jüngste Düütsch Meesterin nah 2000.
In‘n November wurr Tannheimer nah de Qualifikatschoonsrennen in Vuokatti ünner annern wegen hör stark Loopleistungen för den Uptakt vun de Weltcupsaison in Kontiolahti nomineert. Nah wat swaaker Leistungen in hör eerst Staffel un in dat afkört Eenzel reck se dor in’n Sprint up Platz 6 hör eersten Top-Ten-Platz in‘n Weltcup un kunn disse Leistung in‘n Massenstart as Foefte sogor noch verbetern. Bi de nächst Statschoon in Hochfilzen leep se in de Verfolgung mit de veertbest Looptiet vun Platz 29 up 17 vör. In de Staffel fier se as tweet Löperin an de Siet vun Vanessa Voigt, Selina Grotian und Franziska Preuß hör eersten Weltcupsieg.
Bi den eersten Weltcup nah den Johreswessel Anfang Januar 2025 in Oberhof reck Tannheimer in‘n Sprint Platz nnegen un in de Verfolgung Platz twalf; mit de düütsch Mixed-Staffel keem se up Platz 5. De Weltcup-Rennen in Ruhpolding un Antholz muss se wegen Krankheit utlaaten.
In’n Februar 2025 wurr Tannheimer för hör eerst Biathlon-Weltmeesterschapen in de Lenzerheide nomineert. Nah Platz 17 un 24 an dat eerst Weekenenn’n in Sprint un Verfolgung wurr se in’t Eenzel mit de elftbest Looptiet 33. In de düütsch Staffel, de Platz fief belegg, leep se an de darte Positschoon. An den letzten Wettkampftag reck se in’n Massenstart as 15. hör best Eenzelergevnis.
Bi de Weltcups in März nah den Weltmeesterschapen reck Tannheimer as best Eenzelergevnis en 20. Platz. In Nové Město na Moravě stunn se mit de düütsch Fruenstaffel as Dart up dat Podium un up de Pokljuka leep se in de Mixed-Staffel de best Looptiet vun all Startlöperinnen. De Saison hett se mit 13 vun 21 loopen Rennen up Platz 31 in de Weltcup-Gesamtwertung afslooten.
Saison 2025/26 To de Saison 2025/26 wurr Julia Tannheimer vun den DSV eerstmals in de Lehrgangsgrupp 1a, d. h. de A-Natschonalmannschap, upnommen, aber in de Saison leep dat nich goot an. Bi de Düütsch Meesterschapen in‘n September an‘n Arber verpass se in all dree Rennen de Top Ten.
För den Uptakt vun de Weltcupsaison in Östersund weer Tannheimer wegen hör Leistungen ut de Vörsaison vörqualifizeert. An dat eerst Weekenenn’n hett se as Slusslöperin vun de Mixed-Staffel een Straafrunn schaaten. In dat Eenzel harr se negen Scheetfehler, aber de fiefte Looptiet. Bi den ansluuten Sprint keem se aber up Rang 8 un reck dormit de Olympia-Norm vun den DOSB; in de Verfolgung full se aber up Platz 20 torüch. Bi den tweeten Weltcup in Hochfilzen kunn se woll in dat Loopen övertüügen, reck aber wegen Scheetfehler blots de Plätze 54 un 42. As Deel vun de düütsch Staffel reck se as Dart dat Podium. In Le Grand-Bornand wurr se 29. un 30.
Anfang Januar 2026 in Oberhof reck Tannheimer mit wiederhen goot Looptieden in beid Eenzelrennen de Top 20 un mit de düütsch Staffel en Podestplatz. In Ruhpolding keem se up de Plätze 16 un 23. Den folgenden Weltcup in Nové Město hett se utlaaten, um sück up de Olympisch Spelen to konzentreeren.
Bi de Olympisch Winterspelen reck se in de Eenzelrennen kien Platz ünner de best Teihn un verpass an de Siet vun Franziska Preuß, Janina Hettich-Walz un Vanessa Voigt in de Damen-Staffel dat Podest mit Platz 4. Nah de Olympisch Spelen keem se in de Weltcup-Rennen nochmal up en teihnten Platz un reck an dat Enn’n vun de Saison den Gesamtrang 23.
Privates Julia Tannheimer hör jüngere Bröer Lukas is ebenfalls as Biathlet in den düütschen Nahwusskader aktiv.
Weblinks
Indrag up de Sieden vun de IBU (engelsch) Indrag up de Sieden vun Olympedia.org Julia Tannheimer bi den DSV
Enkeld Nahwiesen
Kategorie:Fru Kategorie:Börger von Düütschland Kategorie:Boren 2005 Kategorie:Biathlet (Düütschland) Kategorie:Olympiadeelnehmer (Düütschland)