De Bassenerkamp () is en lütten Oort in de Gemeen Eiten in’n Landkreis Veern, Neddersassen. Binnen de Gemeen höört de Oort to de polietsche Oortschop Bassen.

Geografie

De Oort liggt op de Achem-Veerner Geest. Dat Water ut dat Rebeed flütt över’n Bassener Möhlengraven na de Wümm hen af.

De Naveröörd sünd Bassenergrund in’n Noorden, Bassen in’n Noordoosten, Petershollen un Groten Hollen in’n Oosten, Lüttjen Hollen un Heinsbarg in’n Süüdoosten, Lindheim in’n Süüdwesten un Schaaphusen in’n Noordwesten.

Historie

Verwaltungsgeschicht

De Oort hett vör 1852 to de Oostvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.

De Oort weer von öllers Deel von de Gemeen Bassen. Bassen is an’n 1. Juli 1972 mit de Gemeenreform in Neddersassen Deel von de Gemeen Eiten worrn. Sietdem höört de Bassenerkamp binnen de Gemeen to de Oortschop Bassen.

Inwahnertall

Religion

De Bassenerkamp is evangeelsch-luthersch präägt un höört to dat Kaspel von de Petrus-Kark in Eiten. Düsse Kark is 1861 boot worrn. Vörher hett de Oort to dat Kaspel von de Laurentius-Kark in Achem tohöört.

För de Kathoolschen is de St.-Matthias-Kark in Achem tostännig.

Weertschop un Infrastruktur

För Bassenerkamp is de freewillige Füürwehr Bassen mit tostännig.

Verkehr

In’n Noorden an Bassenerkamp langs löppt de Landsstraat 168, de in’n Noordoosten na Otterbarg un von dor wieder na Stuckenbossel (denn B 75), Söttmer un Rodenborg geiht un in’n Westen över Schaaphusen na Eiten un na de Bremer Oortsdelen Oosterholt un Hemeln. Von de L 168 geiht in Bassen na Süden de L 156 af, de na Üsen un Achem an de L 158 föhrt.

De nächste Autobahn is de Autobahn 1 (Afsnidd Bremen–Hamborg), de direkt an’n Oort langslöppt. De Opfohrt 52 Eiten liggt so veer Kilometer in’n Westen von Bassenerkamp an de L 167.

De nächsten Bahnhööv sünd so bi söss Kilometer wied weg de Bahnhoff Achem in’n Süüdwesten an de Bahnlien Bremen–Wunsdörp un de Bahnhoff Otterbarg in’n Noordoosten an de Bahnlien Hamborg–Bremen.

Footnoten

Kategorie:Oort Kategorie:Landkreis Veern