Üserfinien () weer en lütten Oort in de Gemeen Achem in’n Landkreis Veern, Neddersassen. Binnen de Gemeen höört dat Rebeed to’n Oortsdeel Üsen.
De Oort billt vondaag en Wahnrebeed, dat op dree Sieden von Gewarvrebeden ümgeven is. Dat is kumplett tohoopwussen mit de dree Öörd Achem, Üsen un Bauen, de nu all tohoophangt.
Geografie
De Oort liggt op de Achem-Veerner Geest. Dat Water flütt över’n Bassener Möhlengraven na de Wümm hen af.
De Öörd ümto weren Heinsbarg un Üserdicken in’n Noorden, Bauerholt in’n Oosten, Bauen in’n Süden, Achem un Üsen in’n Süüdwesten, Üserschaapkoven in’n Westen un Haßel un Bössel in’n Noordwesten.
Historie
Verwaltungsgeschicht
In de Franzosentied von 1810 bet 1814 hett de Oort to de Mairie Achem in’n Kanton Achem höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Westvaagdie in dat Gogericht Achem tohöört un von 1852 bet 1885 to dat Amt Achem. Na 1885 weer dat in’n Kreis Achem. 1932 is dat Deel von’n Kreis Veern worrn.
De Oort weer von öllers Deel von de Gemeen Üsen. Üsen is an’n 1. Juli 1972 mit de Gemeenreform in Neddersassen Deel von de Gemeen Achem worrn.
Inwahnertall
Religion
Üserfinien is evangeelsch-luthersch präägt un höört to dat Kaspel von de Laurentius-Kark in Achem.
För de Kathoolschen is de St.-Matthias-Kark in Achem tostännig.
Footnoten
Kategorie:Oort Kategorie:Landkreis Veern