Westerndörp () is en Oort in de Gemeen Belen (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Belen mit bi.
Geografie
Westerndörp liggt in de Masch von de Elv. In’n Westen löppt de Haadler Kanaal langs.
De Naveröörd sünd Belen un Bahrdörp in’n Oosten, Königswisch un Kedenbrook in’n Süden, dat Noorderenn von Oosterbrook in’n Süüdwesten un Mahrdörp un Nackenbüttel in’n Westen.
Historie
Verwaltungsgeschicht
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
Religion
Westerndörp is evangeelsch-luthersch präägt un höört to dat Kaspel von de Vitus-Kark in Belen.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
Westerndörp is an de Bundsstraat 73 anslaten, de in’n Westen na Oterndörp un Cuxhoben geiht un in’n Süüdoosten över Neehuus un Kumbarg na Hemmoor un Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 20 Kilometer in’n Westen von Westerndörp.
De nächste Bahnhoff is so bi söss Kilometer wied weg in’n Westen de Bahnhoff Oterndörp an de Nedderelvbahn.
Footnoten
Kategorie:Oort Kategorie:Landkreis Cuxhoben