Belenerdiek () is en Oort in de Gemeen Belen (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Belen mit bi.
Geografie
Belenerdiek liggt in de Masch achter’n Diek von de Elv bi de Münn von de Oost. In’n Noordwesten liggt dat Naturschuulrebeed Haadler un Belener Butendiek.
De Naveröörd sünd Neehüserdiek un Neenhoff in’n Süüdoosten, Kammdiek in’n Süden un Belen in’n Süüdwesten.
Historie
Verwaltungsgeschicht
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
Inwahnertall
Religion
Belenerdiek is evangeelsch-luthersch präägt un höört to dat Kaspel von de Vitus-Kark in Belen.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
Von Belenerdiek löppt en Straat na de Bundsstraat 73 in Belen, de in’n Westen över Oterndörp na Cuxhoben geiht un in’n Süüdoosten över Kumbarg un Hemmoor na Stood.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 23 Kilometer in’n Westen von Belenerdiek.
De nächste Bahnhoff is so bi negen Kilometer wied weg in’n Süüdwesten de Bahnhoff Oterndörp an de Nedderelvbahn.
Footnoten
Kategorie:Oort Kategorie:Landkreis Cuxhoben