Olendecken () is en Oort in de Gemeen Kumbarg (Samtgemeen Land Hadeln) in’n Landkreis Cuxhoben, Neddersassen. De Oort höört polietsch al von öllers bi Geversdörp mit bi.
Geografie
De Oort liggt in de Masch von de Oost direkt achter’n Diek. Dat Water ut dat Rebeed flütt över de Krummendieker Wettern af.
De Naveröörd sünd Neenslüüs in’n Noorden, Wetterdiek in’n Noordoosten, de Seeweg in’n Oosten, Portshemm, Reetbraak, Dammhoff un Bentwisch in’n Süüdoosten, Heuhoff un Laak in’n Süden, Good Neendiek in’n Westen un Snook in’n Noordwesten.
Historie
Verwaltungsgeschicht
De Oort hett vör 1885 to dat Amt Neehuus tohöört. Na 1885 weer dat in’n Kreis Neehuus. 1932 is dat Deel von’n Kreis Land Hadeln worrn un 1977 von’n Landkreis Cuxhoben.
De Oort höört von öllers bi de Gemeen Geversdörp mit bi, de an’n 1. November 2016 Deel von de Gemeen Kumbarg worrn is.
Inwahnertall
Religion
Olendecken is evangeelsch-luthersch präägt un höört to dat Kaspel von de Andreas-Kark in Geversdörp.
För de Kathoolschen is de Hillig-Krüüz-Kark in Oterndörp tostännig.
Weertschop un Infrastruktur
Verkehr
De Straat dör Olendecken is in’n Süden bi Öberndörp an de Kreisstraat 24 un de Landsstraat 113 anslaten. In’n Noorden geiht de Straat bi Neenslüüs an de K 26 ran. De Verkehr mit dat annere Över von de Oost löppt kumplett över de Brügg in Geversdörp un de Brügg in Öberndörp.
De nächste Autobahn is de Autobahn 27 (Afsnidd Cuxhoben–Bremerhoben). De Opfohrt 1 Cuxhoben liggt so 33 Kilometer in’n Westen von Olendecken.
De nächste Bahnhoff is so bi negen Kilometer wied weg in’n Süüdwesten de Bahnhoff Wingst an de Nedderelvbahn.
Footnoten
Kategorie:Oort Kategorie:Landkreis Cuxhoben