Wilhelm Friedrich Otto von Borries (* 3. Juni 1776 in Stood; † 19. Oktober 1819 in Dorum) weer en düütschen Verwaltungsbeamten.
Von Borries is 1776 as Söhn von Eleonore Sophie, borene Freiin Grote (1749-1820), un den Beamten Heinrich Otto von Borries (10. November 1728-21. November 1785) in Stood boren.Hans-Joachim Heerde: Das Publikum der Physik: Lichtenbergs Hörer. Wallstein-Verlag, 2006, Sied 119 He weer Fideikommissbesitter to Hornborg un Obbens.
Von Borries weer von’n 10. September 1789 bet to’n 24. Juni 1793 op de Ridderakademie Lümborg. An’n 9. November 1793 hett he sik an de Universität Göttingen inschreven un dor Juristeree studeert. Nadem he 1796 mit dat Studium trech weer, is he in’n bruunswiek-lümbörgschen Staatsdeenst gahn. He is 1797 Hoffgerichtsassesser an dat Hoffgericht Stood worrn. Von 1799 bet to sien Dood in’n Harvst 1819 harr he eerst as Vaagd, von 1808 af an as Bövervaagd, dat Leid över dat Gericht Land Wusten in Dorum.
1801 hett he Juliane Marie Gertrud von der Decken (1781-August 1856) freet.Festschrift Zur Säcularfeier Der Königlichen Landwirthschafts-Gesellschaft Zu Celle Am 4. Juni 1864. 1864, Band 1, Sied 88 Sien öllsten Söhn weer Wilhelm Friedrich Otto von Borries (30. Juli 1802-14. Mai 1883), later Binnenminister von dat Königriek Hannover.
Footnoten
Kategorie:Mann Kategorie:Beamten Kategorie:Boren 1776 Kategorie:Storven 1819