Dat Amt Oold- un Neeklooster weer en Verwaltungsrebeed in Bremen-Veern un in dat Königriek Hannover mit Seet in Buxthu binnen de Landdrostie Stood. Dor hebbt blangen Ooldklooster un Neeklooster ok de Öörd Neeland, Brillenborg un Vagelsang tohöört.
Historie
Nadem de Sweden 1648 dat fröhere Arzstift Bremen övernahmen harrn, sünd de Kloosters Ooldklooster un Neeklooster säkulariseert worrn. Ooldklooster is as Lehn an’n Bischop von Strängnäs, Johannes Matthiae Gothus, gahn, Neeklooster an’n General Lorenz von der Linde.Peter von Kobbe: Geschichte und Landesbeschreibung der Herzogthümer Bremen und Verden. Vandenhoeck und Ruprecht, 1824, Sied 41ff Toeerst weren dat twee egenstännige Ämter. Neeklooster is later dat Kloosteramt Stood biföögt worrn. Mit de Dänentied 1712 sünd Ooldklooster un Neeklooster mit dat Amt Harsfeld tohoopleggt worrn. Later sünd se denn wedder trennt ween un eerst to Anfang dat 19. Johrhunnert wedder tohoopleggt worrn.
In de Franzosentied von 1810 bet 1813 weer Ooldklooster Deel von de Mairie Buxthu in’n Kanton Buxthu un Neeklooster von de Mairie Hornborg in’n Kanton Hornborg.
To’n 1. Juli 1823 is dat Amt Oold- un Neeklooster oplööst worrn un is denn Deel von dat Amt Harsfeld worrn. Blots de Gerichtsborkeit över en Reeg Öörd in Oolland (Hoov, Rübk, Finkenriek, Hasselwarder, Nincop un Seehoff) is an dat Grevengericht Oolland övergahn.
1819 harr dat Amt 947 Inwahners op en Rebeed von 3369 Calenberger Morgen (knapp 9 km²).Vollständiges Handbuch der neuesten Erdbeschreibung: Welcher die Einleitung zu Deutschland und die deutschen Königreiche Baiern, Sachsen, Hanover und Würtemberg enthält. Verlag des Geographischen Instituts, 1819, Deel 1,Band 4, Sied 527
Inwahnertall
Amtlüüd
Neeklooster: 1691–1700: Johann Georg Hartmann
Ooldklooster: ~1703: Anthon Ehlers 1754–: Johann Christian Danckwerth
Oold- un Neeklooster: ~1769: Drost Johann Friedrich von Haaren –1772: Amtmann Carl Friedrich Meiners 1778–1787: Heinrich Elderhorst 1787–1803: Johann Christian Bacmeister ~1803: Ernst Christian Lodemann 1816–1823: Anton Friedrich Christian von Wersebe
Amtsschrievers
–1794: Kahle
Footnoten
Kategorie:Amt Kategorie:Kurförstendom Hannover Kategorie:Königriek Hannover Kategorie:Gifft dat nich mehr