duum|Logo vun de ödp De Ökoloogsch-Demokraatsche Partei (kort: ödp) is en politische Lüttpartei in de Bundsrepubliek Düütschland, de an’n 23./24. Januar 1982 in Wiesbaden as Bundspartei grünnt worrn is. Den Parteivörsitt bekleedt to Tiet Charlotte Schmid 2022). De ödp hett de Rechtsnafolg vun de „Grönen Akschoon Tokumst“ (GAZ) antreden, de vun de Bundsdagsafordenten Herbert Gruhl grünnt weer, de nich in de Partei Bündnis 90/De Grönen opgahn wull, vun wegen de Vörherrschop vun’n linken Flögel. Gruhl weer bit 1989 Bundsvörsitter vun de Partei. In disse Tiet weer he na buten hen de bestimmen Person vun disse Partei.Decker/Neu, S. 351
Bi de politischen Inholten liggt de Swoorpunkt vun de ödp op de Ümwelt- un de Familienpolitik. Se sütt sik sülvst in de politischen Mitt.oedp.de Internatschonal is de ödp Liddmaat in’n Parteienverband WEP. In Düütschland is de Partei in föffteihn Landverbännen opdeelt. De meisten Stimmen vun de Wählers kriggt de ödp in Bayern, woneem se bi Landdagswahlen siet 1990 bestännig bi üm un bi 2 % hett un op kommunale Even toletzt bit mehr as 300 Mandaten besetten kann. Kommunale ödp-Mandatsdräger in Bayern Online In’n Bundsdag is se nich vertreden.
Politisch Profil Dat aktuelle Grundsatzprogramm mit den Titel Politik, die aufgeht. Grundsatzprogramm der Ökologisch-Demokratischen Partei (ödp) is ut dat Johr 1997.Grundsatzprogramm vun de ödp (pdf) Grundsatzprogramm vun de ödp (htm) Bito gifft dat en Bundspolitisch Programm, dat 2002 beslaten weern un siether mehrmols wieterschreven worrn is. In’n Gegensatz to dat Grundsatzprogramm foddert dat Programm sünnere Saken.<ref>Bundespolitisch Programm vun de Ökologisch-Demokratischen Partei (ödp)-pdf </ref> Dat aktuelle Europapolitische Programm vun de Partei stammt ut dat Johr 2008.Europapolitisch Programm vun de ödp
Na egen Dorstellen is de ödp düchtig op Postmaterialismus utricht un christlich prägt. Wieter boet se stark op Naholligkeit. De Partei strevt en Wenn in’n Levens- un Weertschopsstil an. Dorna schall de Weertschop, de vundaag op Verswennen un Övermaat baseert, opgeven warrn. An de Steed schall nahollig un sinnig mit de hüütigen Rohstoffen ümgahn un „echte Levensgööd“ entwickelt warrn. Disse Sinn is vun de ödp in de 1980er Johren mit den Slogan „Weniger ist mehr“„Weniger ist mehr“ - ödp-Flaagblatt ut de 1980er Johren in Wahlsennen un Warfmaterialen as jemehr Karnansatz verbreedt worrn.
Deerschuul, Ümwelt- un Energiepolitik Middelpunkt vun dat Parteiprogramm is dat Schulen un Wohren vun de natürlichen Grundlagen vun’t Leven. De ödp is dorför, op„ weertschoppliche Aktivität to verzichten, wenn bedüdenere Telen vun’n Oorden- un Levensgrundlagenschuul dat nödig maakt“.3. Themen und Lösungen - Artenvielfalt und Naturräume erhalten De Karnenergie lehnt de ödp af, as se en Gefohr för Minsch un Natur dorstellt. Disse Kritik betütt se op den Bedrief vun de Karnanlagen sülvst jüst so as op de Affallprodukten. Den Utstieg ut de Karnenergie, as de to Tiet in Düütschland ümsett warrt, geiht de Partei nich gau un nich gradlienig noog. Anduern Energie schall dorgegen starker ünnerstütt un biller warrn.Bundspolitisch Programm - I 1 Energiepolitik und I 2 Atompolitik Betahlt warrnn schall dat dordör, dat Flaaghavens un dat Stratennett nich wieter utboet warrt. Butendem is de Partei dorför, högere Stüern op Kerosin to leggen un den apentlichen Personenverkehr uttoboen.
Wietere Anliggen sünd to’n Bispeel en Landweertschop mit oortgerechte Bedingen för de Deerten, de sik mit de Natur verdrägen deit, as ok en Forstweertschop, de sik an de Natur orienteert. De ödp will dörsetten, dat dat „Schule vun de natürlichen Levensgrundlagen“ un de Deerschuul as Staatsteel in’t Grundgesett opnahmen warrt.Grundsatzprogramm, 3. Themen und Lösungen - Tiere schützen Bundspolitisch Programm - I 8 Tierschutz Na Ansicht vun de Partei mööt wieter ok de Grenzweerten för’n Mobilfunk rünnersett warrn, vun wegen dat en „Veeltall vun weenschoppliche Studien ut de helen Welt“ wiest harrn, dat de Strahlen, de dorbi free warrt, slecht för de Gesundheit sünd.Bundspolitisch Programm - I 3 Mobilfunk
Sozial- un Gesundheitspolitik Na dat Grundsatzprogramm schall de Artikel 20 vun’t Grundgesett nich anfaat warrn.3. Themen und Lösungen – Das Prinzip Sozialstaat bleibt gültig De Finanzeeren vun de Sozialsystemen achall mit Stüern ok op Energieverswennen un op Kapitalinnahmen sekert warrn. As de Levensform, de sik an’n besten dorstellt, warrt de Familie ansehn. Se warrt as dat „Fundament vun uns Sellschop“ betekent.Scharfe Kritik an Internet-Werbekampagne von Rot-Grün Den „Grundsatz vun de Naholligkeit“ betütt de ödp ok op dat Sozialsystem.Bundspolitisch Programm - II Leistungsgerechtes und nachhaltiges Sozialsystem De schall sünners bi de Jöödg- un Öllerafsekern dördor henkregen warrn, dat jeden Ansprrok ok en Gegenleistung gegenöversteiht („Grundsatz vun de Leistungsberechtigkeit“), so dat sik dat System duersom sülvst driggt.Bundspolitisch Programm - II 1 Familien- und Rentenpolitik Kritik öövt de ödp doran, dat de Generatschonenverdrag blots eensietig to’n Gunsten vun de Renters utklamüstert worrn is, wiel de Kosten för’t Groottehn vun Kinner bi de Öllern verbleven sünd.3. Themen und Lösungen - Gerechtigkeit für alle, die Kinder erziehen und Menschen pflegen - Schutz der Ungeborenen De junge Generatschoon mutt blangen de egen Öllern nu ok de Rentners mitversorgen, de keen Kinner hebbt un sünd dormit överlast. De Naklapp sünd högere Lohnnevenkosten un Stüern, wat to mehr Arbeitslosigkeit un Staatsschulln föhrt.
De ödp strevt en utgleken Verdelen vun de Lasten twüschen Öllern un Lüüd ahn Kinner an as ok twüschen hüütige un tokamen Generatschonen. Dorüm warrt en höger’t Kinnergeld un en Optuchtgehalt vörslahn. In’n Gegentog schall de nächste Generatschoon de Renten to Hälft finanzeeren, wobi Öllern en tosätzliche Öllernrente tostahn schall. Minschen ahn Kinner schüllt de tweete Hält vun de Rente över en Plicht-Kapitelversekern finanzeeren. Dat Verfohren för de Ümlaag bassert op de Kinner-Optucht, de unafhangig is vun en Arbeitsplatz. De gesettliche Rentenversekern müss dorüm, op all Börgers utdehnt warrn.
De Partei lehnt Studiengeböhren för dat Eerststudium af,Bundspolitisch Programm - V 9.3 Hochschul- und Studienfinanzierung as se bang is, dat dordör de soziale Achtergrund vun’t Studium afhollen künn. De Staat mutt dat nödige Geld praatstellen, vun wegen dat de dör den Rüchgang vun de Geboorten in de letzten twee Johrteihnten veel Geld spaart hett.
Swangerschopafbreken is en Thema, dat vun de ödp mit Twievel sehn warrt. Dat late Afbreken vun en Swangerschop lehnt se grundsätzlich af. Man, se ünnerstütt den Rechtskompromiss, de nu nu gellt. Vun ehr Sozialprogramm versprickt sik de Partei, dat de Tall vun de Afdrieven düttlich minnert warrt, as de soziale Druck, de faken en Rull speelt, dormit to’n gröttsten Deel an de Siet is. Aflehnt warrt vun de ödp butenedem dat Legaliseeren vun Drogen as to’n Bispeel vun Haschisch un Marihuana as ok jede Form vun Gentechnik. In Bayern hett se bito en Volksbegehren gegen dat Klonen vun Minschen ingangsett.
Weertschops- un Stüerpolitik De ödp hett de Opfaten, dat dat marktweertschoppliche Weertschopssystem vun vundaag op Duer nich lopen kann, as dat op’n „eensietigen materiellen Verbruuk“ utricht is.3. Themen und Lösungen - Die Ökonomie muss die ökologischen Grundlagen anerkennen Dat Grundprinzip vun de Naholligkeit mutt de Grundlaag vun all Doon hebben, vun wegen dat de „Middel op den Planeten Eer“ begrenzt sünd. De Partei hett 1989 dat Inföhren vun en opkamensneutrale ökoloogsche Stüerreform foddert. Dorna schüllt Minschen, de jemehr Hanneln ökoloogsch verantworrtlich utrichten doot, schüllt bi de Stüern entlast warrn, wiel unökoloogsch Weertschoppen dör högere Stüern ingrenzt warrn schall. De Mehrweertstüer warrt as „sozial un ökoloosch blind“ betekent un schall to’n Utgliek düütlich torüchnahmen warrn. Teel vun de ödp is en „Marktweertschop, de ratschonell mit Stoffen ümgeiht, de nich nawasst, anduern Energieborns bruken deit un entwickelt, sik nich-zentral organiseert, volkseertschopplichen Schaden in de Priesen för Energie un Rohstoffen utdrücken deit un dör’n staatlichen Rahmen dorto anhollen warrt, sozial un ökolooscgh verantwoortlich to hanneln.“
Na’n Willen vun de Partei schall dat en „strikt Scheden vun en politisch Mandat un dat Vertreden vun weertschoppliche Intressen“ geven. Paretispennen an Partein höört dorna verboden, as se en Form vun Korrupschoon dorstellt. Üm keen Intressenkunflikten to hebben drööft Afordente vun de ödp dorüm ok keen Opsichtsraatsamt hebben.
Binnenpolitik Volksbegehren un Volksentscheden schüllt na Opfaten vun de Partei op all Evenen vun de Politik inföhrt oder lichter maakt warrn.3. Themen und Lösungen - Die Demokratie erneuern Se sett sik butendem för en Wahlrecht vun Geboort an in, wobi de Öllern an Steed vun jemehr Kinner bit to’t vullennte 14. Levensjohr wählen schüllt, man 14 bit 17-jorhige schüllt op Andrag al sülvst wählen dröfen.Bundspolitisch Programm vun de Ökoloogsch-Demokraatischen Partei - V3 Demokratische Rechte ausbauen und schützen Feenden vun de Verfaten schüllt na Ansicht vun de ödp düütlich angahn warrn. Parteien, de mit Extremisten sympathiseert, schüllt verboden warrn. Wieter mutt de demokraatsche Staat in de Laag wesen, Gefohren aftowehren, de sik ut de „Utbreden vun’t organisserte Verbreken“ ergeevt.3. Themen und Lösungen - Für Innere Sicherheit sorgen De tonehmen Kriminalität is en „Rutfoddern för de Sellschop un för’n Staat“, as de „Ansprook vun de Börgers op Sekerheit un Unversehrheit“ nich geven is. Blangen Polizei un Justiz schall dorüm ok Zivilkuraasch en Rull spelen. Dat Opkamen vun Verbreken schall dör Vörsorg hinnert warrn, ünner annern dör’t „Verbetern vun de spzialen Bedingen“ un en „Optucht hen to gegensietige Acht un mehr Rechtsgeföhl“. In de Medien schall bito dat Wiesen vun Gewalt ophören. De Politik vun den fröheren Binnenminister Wolfgang Schäuble lehnt de Partei dorgegen af, sünners wat de Terrorbekämpen angeiht, vun wegen dat se en Uthöhlen vun de Grundrechten dorstellt.Hermann Striedl:„Auf den Rechtsstaat muss Verlass sein” – ödp äußert Besorgnis über Schäuble-Pläne op: oedp.de Online afropen an’n 5. September 2008
Butenpolitik De Globaliseren, as se is, warrt vun de ödp aflehnt, vun wegen dat na ehr Ansicht blots wenige Lüüd wat dorvun hebbt. De Partei foddert wieter dat „Sekern vun de Minschenrechten un dat Herstellen vun en hooch Maat an Wohlfohrt un Gerechtigkeit in all Länner op de Eer“. Se lehnt den Verdrag vun Lissabon af, as de ehr to neoliberal is. Butendem wies de Verdrag na Ansicht vun de ödp keen demokraatsche Legitimatschoon op.Buchner und Striedl klagen gegen den EU-Reformvertrag – Klage beim Bundesverfassungsgericht eingereicht op oedp.de 11. Juni 2008; afropen an’n 8. September 2008 Dorüm foddert de öpd Volksentscheden över den Verdrag in all EU-Staaten, und sormit also ok in Düütschland. Dat weer een Grund, worüm de Partei 2008 vör’t Bundsverfatenegricht gegen de Ratifizeeren vun’n Verdrag klaagt harr. Butenpolitisch is de Partei wieter ok för en „weltwiet Veroordelen vun ABC-Wapen“.
Struktur Gremien thumb|Claudius Moseler, Generalsekretär vun de ödp thumb|ödp-Landsparteidag in Rhienland-Palz 2007 De Organen vun de Partei sünd de Bundsparteidag, de Bundshööftutschuss un de Bundsvörstand. De hööchste Kreis, de wat besluten kann, is de Bundsparteidag, de tomindst eenmol, tomeist aver tweemol in’t Johr afhollen warrt. De Liddmaten vun’n Bundsparteidag sünd die Liddmaten vun’n Bundsvörstand un de Delegerten vun de Landsverbännen. Twüschen de Parteidaag is de Bundshööftutschuss dat höchste Gremium.