Manuela Stehr (* 10. März 1957 in Berlin) is en düütsche Filmproduzentin.
Leven Stehr hett in Berlin Rechtswetenschop mit Swoorpunkt op Medienrecht studeert. Na ehr Staatsexamen in’t Johr 1983 hett se toeerst as Fimproduzentin arbeit. Se hett twee Johr later, 1985, in Berlin de Fuzzy Filmproduktion grünnt. 1986 hett se den Speelfilm Va Banque vun Diethard Küster produzeert un in de folgen Johren eenige mehr. 1992 is se Leidersche vun de Filmstiftung Nordrhien-Westfalen worrn, woneem se vun 1997 af ok as Prokuristin un Viez vun’n Gewarfsföhrer arbeit hett.
In’t Johr 2000 is se as Mitsellschopperin in de Produkschoonsfirma X-Filme Creative Pool instegen un is Liddmaat vun’n Vörstand vun de X Verlieh AG worrn. Sieher hett se veschedene Filmen produzeert, as to’n Bispeel Heaven, Alles auf Zucker! oder Roter Kakadu.
Stehr is mit den Filmproduzent Stefan Arndt, de gewarfsföhrer Sellschopper vun X-Filme, verheiraat.
Filmografie Johr Titel 1986 Va Banque 1987 Man kann ja nie wissen 1988 Das andere Ende der Welt 1990 Das Wesen der Erde 1991 Geschichten aus einer anderen Welt 2001 Heidi M. 2001 Herz 2001 Heaven 2002 Väter 2003 Good Bye Lenin! 2003 4 Freunde und 4 Pfoten 2004 Was nützt die Liebe in Gedanken 2004 Alles auf Zucker! 2006 Der rote Kakadu 2007 Meine schöne Bescherung 2008 Märzmelodie
Utteken Stehr is 2005 in de Kategorie Best Speelfilm mit den Düütschen Filmpries in Gold för den Film Alles auf Zucker! uttekent worrn.
Weblenken
Kortbiografie bi x-filme.de Kortbiografie bi filmportal.de
Kategorie:Fru Kategorie:Filmproduzent Kategorie:Börger von Düütschland Kategorie:Boren 1957