De Jager is in mealreeë stellingmûne en ryksmonumint yn Wâldsein. De Jager is sûnt 1971 in ryksmonumint.
Skiednis
De Jager waard nei alle gedachten yn 1719 boud. Sûnt de jierren 1930 draaide de mûne net mear op wynkrêft. De mûne ferlear dêrnei de kape, de wjukken en de stelling.
Yn 1965 kocht de stifting Zon en Vrijheid út Amsterdam de ferfallen romp mei de mûnderswente en sân hûskes foar de feinten fan de mûnder oan, om dy as fakânsjehúskes foar jongerein en kânsearme minsken te eksploitearjen. Alhoewol't it ynearsten net it doel wie, waard de mûne lang om let yn 1976 dochs restaurearre. Yn 1994 folge noch in restauraasje.
De Jager is ien fan de trije noch besteande Fryske houtseachmûnen. De oare twa binne De Rôt yn Drylts en De Swel yn Burdaard.
De houtseachmûne is in achtkante, reitdutsen stellingmûne op in fjouwerkante houten ûnderbou en skuorren. De stelling hat in hichte fan goed seis meter. De roeden hawwe âld-hollânsk hekwurk en letter is it systeem Fauel op beide roeden oanbrocht. De flecht fan de mûne is 19,04 meter.
Wâldsein is twa tradisjonele mûnen ryk; de oare is de nôt- en pelmûne 't Laam.
Sjoch ek Mole yn Fryslân
Keppeling om utens Moledatabank oer De Jager De mûne op de side fan de De Hollandsche Molen
Kategory:Wâldsein Kategory:Mole yn Súdwest-Fryslân Kategory:Ryksmonumint yn Súdwest-Fryslân Kategory:Stellingmole Kategory:Seachmole Kategory:Bouwurk út 1719 Kategory:Mole yn Wymbritseradiel Kategory:Ryksmonumint yn Wymbritseradiel