thumb|It Karibysk Gebiet, Midden-Amearika en dielen fan Súd-Amearika thumb|De Karibyske eilannen
It Karibysk Gebiet, of ek wol West-Ynje, is in regio yn it westlike, tropyske diel fan de Atlantyske Oseaan benoarden de Evener. Part fan it Karibysk Gebiet binne de Karibyske See en de eilannen en eilannegroepen dy't dêr lizze.
It Karibysk Gebiet is neamd nei it folk de Kariben, dy't de Spaanske kolonisten op de Lytse Antillen temjitte kamen by harren reizen.
Befolking Yn it Karibysk Gebietlibbet in mjuks fan folken fan meiïnoar likernôch 35 miljoen minsken. Njonken de âldste ynwenners, dy't no in minderheid binne, libje der minsken mei in Afrikaansk of Jeropeesk foarteam, Kreoalen, lykas de Yndiërs (benammen op Trinidad en Tobago en Guyana) en Sinezen op ferskate eilannen yn it Karibysk Gebiet.
Spaansk en Ingelsk binne de grutste talen fan it Karibysk Gebiet (Ingelsk foar 94 % fan de befolking, Spaansk troch 70 %), dêrneist noch Frânsk, Nederlânsk en ferskate Kreoaltalen.
Geology It grutste part fan de Karibyske See, dat yn de Kaimangrêven oant 7.680 m djip is, leit op de Karibyske plaat, útsein it noardwestlike diel oarekant de Djipsee, leit op de Noardamearikaanske plaat.
Skiednis fan it Karibysk Gebiet thumb|It Karibysk Gebiet oan 'e ein fan de 19e iuw De Arawak-Yndianen teagen yn 'e 1e iuw f.Kr. út Fenezuëla nei de Karibyske eilannen. Nei de Arawakken kamen de agressive Kariben, dy't de Arawakken fan de Lytse Antillen reagen. Op it stuit dat Kristoffel Kolumbus mei syn ekspedysjes útein sette wennen de Arawak op Kuba, Hispanjola en de Bahama's, wylst de Kariben op de Lytse Antillen wennen.
Kolonisaasje Doe't Columbus stipe troch de Spaanske Kroan yn 1492 op San Salvador kaam, wied er foaral op syk nei goud en oar weardefol guod. Mar foar de Arawaken wienen de saken dêr't de Jeropeanen foar kamen, net weardefol. Sa kaam der stadichoan Jeropeeske bewenning op de eilannen. Njonkelytsen dienen de Ingelanners, Nederlanners en Frânsen itselde; sels Denemark en Koerlân hienen dêr it bewâld oer lytse koloanjes.
It Karibysk Gebiet wie benammen yn 'e 16e iuw in boarterstún foar piraten. De lytse eilannen beaen de seerôvers, dy't ek faak foar in kening ûnderweis wienen, goede skûlplakken en de Spaanske boaten wienen in goed oanfalsdoel. Port Royal op Jamaika en de Frânske mienskip op Tortuga wienen piratemienskippen.
It grutste part fan de eilannen waard yn 'e 20e iuw ûnôfhinklik.
Eilannen en eilannegroepen yn it Karibysk Gebiet Amerikaanske Famme-eilannen Anguilla Antigua en Barbûda Arûba Barbados Bonêre Britske Famme-eilannen Corn Eilannen (Nikaragua) Curaçao Dominika Grenada Guadelûp (Frânsk departemint) Hispanjola (mei de steaten Haïty, Dominikaanske Republyk) Isla Margarita (Fenezuëla) Islas del Rosario (Kolumbia) Jamaika Kaaimaneilannen Kuba Martinyk (Frânsk departemint) Montserrat Navassa Nederlânske Antillen Porto Riko Saba San Andrés y Providencia (Kolumbia) Sint-Bartelemy (St. Barts) Sint-Eustasius Sint-Finsint en de Grenadinen Sint-Kits en Nevis Sint-Lusia Sint-Marten Trinidad en Tobago
By de Karabyk rekkene eilannegroepen en steaten Neikommende eilannegroepen lizze yn 'e Atlantyske Oseaan, mar wurde yn 'e regel dochs ta it Karibysk Gebiet rekkene: de Bahama's Bermuda Turks- en Kaikoseilannen
Neikommende steaten hearre geografysk by de fêstewâl fan Amearika, mar fanwegen harren koloniale skiednis en har ekonomy wurde hja ek ta it Karibysk gebiet rekkene: Belize Guyana Suriname Frânsk-Guyana (Frânsk departemint)
Nijsgjirrich Harrison's Cave yn Barbadoshttps://barbados.org/hcave.htm - in natuerlik grottekompleks Dunns' Falls yn Jamaika - in ferneamd reservoir by Ocho Rios De âlde stedssintrums fan Santo Domingo (Dominikaanske Republyk), Willemstêd (Kurasau) en San Juan (Porto Riko) It fleanfjild op Sint-Marten, mei fleantugen dy't rjocht boppe Maho Beachhttps://www.visitstmaarten.com/beaches/maho-beach/ lânje De natuerlik foarkommende, opfallend skerpe Piton-toppen op Sint-Lusia
Sjoch ek Karibyske See
Keppeling om utens pw1.netcom.com/~hhenke/index.htm - Virtual Institute of Caribbean Studies www.doitcaribbean.com - Caribbean Tourism Organisation (CTO) www.karibik-magazin.com - Ynfoportaal en Onlinemagazyn
Kategory:Midden-Amearika Kategory:Noard-Amearika Kategory:Amearika