De reuzetrappen (Ardeotis) foarmje in skaai fan grutte oant tige grutte fûgels út 'e famylje fan 'e trapfûgels (Otididae). It skaai bestiet út fjouwer libbene soarten dy't bekend steane om harren grutte omfang en har oanpassing oan iepen, drûge lânskippen en savannes.
De fûgels yn dit skaai binne foar in grut part oan 'e grûn bûn en hawwe lange, krêftige poaten en in lange hals. Mantsjes binne oer it algemien folle grutter en swierder as wyfkes, en se hawwe faak opfallende pronkstruktueren, lykas in kielsek dy't brûkt wurdt by de balts.
It ferspriedingsgebiet fan it skaai is ferdield oer Afrika, it Arabysk Skiereilân, it Yndyske subkontinint en Austraalje.
Troch habitatferlies, yntinsive bejaging en ferskate moderne bedrigingen lykas heechspanningslinen hawwe ferskate soarten út dit skaai te lijen hân fan tebekrinnende populaasjes. De IUCN omskriuwt de status fan guon soarten as gefoelich of sels krityk bedrige.
De typesoarte fan it skaai fan 'e reuzetrappen is de koarytrap (Ardeotis kori).
Soarten De fjouwer erkende soarten binne:
Ofbyld Fryske namme Wittenskiplike namme Fersprieding IUCN-status 150px Arabyske trap Ardeotis arabs Sahelgebiet fan Afrika en súdwestlik Araabje 200pxArdeotis arabs op BirdLife 150px Australyske trap Ardeotis australis Austraalje en it suden fan Nij-Guineä 200pxArdeotis australis op BirdLife 150px Yndyske trap Ardeotis nigriceps Yndysk subkontinint (Yndia en Pakistan) 200pxArdeotis nigriceps op BirdLife 150px koarytrap Ardeotis kori East- en súdlik Afrika 200pxArdeotis kori op BirdLife
Kategory:Fûgelskaai
Kategory:Trapfûgel