De kroanearnen (Stephanoaetus) foarmje in skaai fan 'e famylje fan 'e haukfûgels (Accipitridae). Hjoed-de-dei bestiet it skaai noch mar út ien libbene soarte: de kroanearn (Stephanoaetus coronatus), dy't foarkomt yn Afrika.
Taksonomy De wittenskiplike namme Stephanoaetus komt fan it Grykske 'stephanos' (kroan) en 'aetos' (earn). Lange tiid waard tocht dat de Afrikaanske kroanearn de iennige soarte wie dy't ea yn dit skaai bestien hie. Ut subfossile fynsten en bonkeresten hat lykwols bliken dien dat der op Madagaskar in besibbe soarte libbe hat, de Madagaskarkroanearn (Stephanoaetus mahery). Dizze soarte is nei alle gedachten yn 'e 16e iuw útstoarn troch oerbejaging fan syn proaien (wierskynlik foar it meastepart makys) troch de minske.
De kroanearnen wurde taksonomysk yndield by de ûnderfamylje fan 'e "echte" earnen (Aquilinae). Se wurde beskôge as ien fan 'e meast krêftige groepen binnen dizze famylje, spesjalisearre yn it jeien op proaien yn boskrike gebieten.
Skaaimerken Skaaimerkend foar dit skaai binne de relatyf koarte, brede wjukken en in lange sturt. Dit is in oanpassing oan it libben yn tichte bosken, dêr't se fluch tusken de beammen troch fleane moatte. Se hawwe bûtengewoan grutte en sterke poaten mei lange klauwen, wêrtroch't se proaien deadzje kinne dy't folle swierder binne as harsels, lykas apen en lytse antilopen.
Soarten It skaai bestiet út twa soarten, wêrfan't ien soarte útstoarn is:
Ofbyld Fryske namme Wittenskiplike namme Fersprieding IUCN-status 100px kroanearn Stephanoaetus coronatus Afrika súdlik fan 'e Sahara hast bedrigeStephanoaetus coronatus op BirdLife (subfossyl) Madagaskarkroanearn † Stephanoaetus mahery libbe op Madagaskar útstoarn ±1500
Kategory:Haukfûgel
Kategory:Fûgelskaai