De kalkoengieren (Cathartes) foarmje in skaai fan 'e famylje fan 'e gierfûgels fan de Nije Wrâld (Cathartidae) yn it skift giereftigen fan de Nije Wrâld (Cathartiformes). De wittenskiplike namme Cathartes komt fan it Grykske kathartēs (καθαρτης), wat "skjinmakkers" betsjut, in ferwizing nei harren rol as oprommers yn 'e natoer.
Skaaimerken De soarten fan it skaai hawwe allegear in keale kop mei in opfallende kleur (read of giel/oranje). In hiel bysûnder skaaimerk fan it skaai is it tige goede rookfermogen. Se kinne de geur fan in gas dat frijkomt by ferrotsjen, al op grutte ôfstân en sels ûnder in ticht blêdetek fan in bosk rûke. Dat ûnderskiedt har fan 'e measte oare fûgels en sels fan oare gierfûgels lykas de swarte gier, dy't benammen op it sicht fertrouwe.
Soarten It skaai telt trije libbene soarten en ien fossile soarte dy't bekend is út it Let-Pleistoseen:
Ofbyld Fryske namme Wittenskiplike namme Fersprieding IUCN-status 250px grutte gielkopgier Cathartes melambrotus Súd-Amearika (Amazônebekken) net bedrigeCathartes melambrotus op BirdLife 250px lytse gielkopgier Cathartes burrovianus Sintraal- en Súd-Amearika net bedrigeCathartes burrovianus op BirdLife 250px kalkoengier Cathartes aura Noard-, Sintraal- en Súd-Amearika net bedrigeCathartes aura op BirdLife - † (útstoarn) Cathartes emsilei Kuba útstoarn
Taksonomy De libbene soarten wurde hjoed-de-dei dúdlik as aparte soarten beskôge, al waard de grutte gielkopgier pas yn 1964 as aparte soarte beskreaun troch Alexander Wetmore. Dêrfoar waarden de beide gielkopgieren as ien en 'e selde soarte sjoen. De fossile soarte C. emsilei waard yn 2001 beskreaun op basis fan fynsten yn Kuba en wie in stik lytser as de hjoeddeiske kalkoengier.
Kategory:Fûgelskaai Kategory:Gierfûgel fan de Nije Wrâld