De Vaalrivier of de Vaal is de grutste sydrivier fan 'e Oranjerivier yn Súd-Afrika. De rivier is likernôch 1.150 km lang en foarmet foar in grut part de grins tusken de provinsjes Mpumalanga, Gauteng en de provinsje Noardwest oan 'e noardkant, en de provinsje Frijsteat oan 'e súdkant. De namme 'Vaal' komt út it Nederlânsk (en Afrikaansk) en ferwiist nei de skiere, griisbrune kleur fan it wetter, foaral yn 'e tiid fan 'e oerstreamings.
Ferrin thumb|left|It ôfwetteringsgebiet fan 'e Vaalrivier. De Vaalrivier ûntspringt yn 'e heechlannen fan 'e provinsje Mpumalanga, tichteby it plak Breyten en net fier fan Ermelo. De boarne leit mar sa'n 240 km westlik fan 'e Yndyske Oseaan, mar de rivier streamt hielendal ynlânsk de oare kant út.
De rivier streamt earst yn súdwestlike rjochting troch it Mpumalanga-heechlân nei Standerton. Fierderop nei it westen mûnet de rivier út yn 'e Vaal Dam, ien fan 'e grutste opslachmarren fan it lân. Dt daam is fan krúsjaal belang foar de wetterfoarsjenning fan 'e stêdekloft om Jehannesburch en Pretoria (de Witwatersrand) hinne.
Besuden Jehannesburch rint de rivier troch de yndustriële regio fan Vereeniging en Vanderbijlpark. Dêrnei streamt de rivier by Parys lâns, dêr't de rivier troch de ferneamde Vredefortkrater rint. Lang om let streamt de Vaalrivier troch de diamantfjilden fan 'e Noard-Kaap om by it stedsje Douglas út te mûnen yn 'e Oranjerivier.
Skiednis en Ekonomy Histoarysk sjoen foarme de Vaalrivier eartiids in wichtige grins. Yn 'e 19e iuw wie it de grins tusken de twa Boererepublyken (Transvaal) en Oranje Frijsteat. De namme 'Transvaal' betsjut ek letterlik "oer de Vaal".
Kategory:Rivier yn Súd-Afrika