It skaai amaranten (Lagonosticta) omfiemet in groep lytse, tropyske fûgels út de famylje prachtfinken (Estrildidae). Se komme foaral foar yn Afrika besuden de Sahara yn savannes, strewellen en boskrânen.
De measte amaranten ha foar in part in read fearrekleed, dat by de mantsjes fan 'e measte soarten oerheersket. In karakteristyk skaaimerk fan hast alle soarten binne de lytse wite stipkes op 'e flanken fan it boarst. Wyfkes binne oer it algemien brúniger fan kleur, mar hawwe faak wol reade aksinten op 'e stút of it gesicht.
De soarten yn it skaai wurde meastentiids 10 oant 11 sintimeter lang. De snaffel is koart en kegelfoarmich en faak rôze, read of blaugriis. Se libje benammen fan gerssied en ynsekten (lykas termiten), dy't se meastentiids op de grûn sykje.
In bysûnderheid fan it skaai is de bân mei de widafinken (Vidua). Ferskillende amaranten hawwe in spesifike soarte widafink as briedparasyt, dy't harren aaien yn it nêst fan 'e amaranten leit. De piken fan 'e widafink hawwe in bek dy't sterk liket op dy fan 'e piken fan 'e gasthear. Soarten De folgjende soarten wurde ta it skaai rekkene: Ofbyld Fryske namme Wittenskiplike namme Status / trend 120px brune amarant Lagonosticta nitidula net bedrige stabylLagonosticta nitidula op BirdLife. 120px donkerreade amarant Lagonosticta rubricata net bedrige stabylLagonosticta rubricata op BirdLife. 120px fjoerfinkje Lagonosticta senegala net bedrige stabylLagonosticta senegala op BirdLife. 120px karmozynpamarant Lagonosticta rhodopareia net bedrigestabylLagonosticta rhodopareia op BirdLife. 120px maskeramarant Lagonosticta larvata net bedrigestabylLagonosticta larvata op BirdLife. 120px rotsamarant Lagonosticta sanguinodorsalis net bedrigestabylLagonosticta sanguinodorsalis op BirdLife. 120px swartbúkamarant Lagonosticta rara net bedrigestabylLagonosticta rara op BirdLife. 120px Tsjaadamarant Lagonosticta umbrinodorsalis net bedrigestabylLagonosticta umbrinodorsalis op BirdLife. 120px Stippelamarant Lagonosticta rufopicta net bedrigestabylLagonosticta rufopicta op BirdLife. Maly-amarant Lagonosticta virata net bedrigestabylop Lagonosticta virata op BirdLife.
Kategory:Fûgelskaai Kategory:Prachtfink