De jiskegrize astrild (Glaucestrilda thomensis, synonym: Estrilda thomensis) is in lytse fûgel út de famylje fan 'e prachtfinken (Estrildidae). De fûgel komt foar yn it súdwesten fan Afrika.
Ferskining De jiskegrize astrild wurdt likernôch 10 sintimeter lang. It fearrekleed is oer it algemien laai-griis (jiskekleurich). It meast opfallende skaaimerk is de reade kleur op 'e flanken, de stút en de boppesturtfearren. Der rint in smelle, swarte streek fan 'e snaffel troch it each. De snaffel is swartich mei faak read by de basis. Hy liket in soad op de lavindelastrild, mar de jiskegrize astrild hat mear read op 'e flanken.
De fûgel hat in frij beheind ferspriedingsgebiet yn it súdwesten fan Afrika. Hy komt foar yn it westen fan Angoala en it uterste noardwesten fan Namybje (benammen yn de Kunene-regio). Se hâlde fan drûge gebieten mei toarnige strûken, savannes en de begroeiïng lâns rivieren.
Ekology De jiskegrize astrild libbet yn lytse groepen of yn pearkes. Se binne faak drok yn it gers of yn 'e strûken oan it foerazjearjen. It iten bestiet benammen út lytse gerssied en út en troch lytse ynsekten. Se wurde faak sjoen yn 'e buert fan wetter.
Status De soarte wurdt troch de IUCN klassifisearre as net bedrige (Least Concern), hoewol't tocht wurdt dat de populaasje yn oantal tebekrint.
Systematyk De fûgel waard yn 1888 foar it earst wittenskiplik beskreaun troch de Portegeeske ornitolooch José Augusto de Sousa. De wittenskiplike namme thomensis is wat betiizgjend; it ferwiist nei it eilân Sao Tomee. Dy betizing komt om't derfan út gien waard dat it type-eksimplaar dêr wei kaam. Letter die bliken dat it in fersin wie en dat de fûgel fan it fêstelân út Angoala kaam.
Kategory:Fûgelsoarte Kategory:Griisblauwe astrild Kategory:Lânseigen fauna yn Angoala Kategory:Lânseigen fauna yn Namybje