Foarfallen Lyts-Aazje
Keizer Anastasios I slacht in opstân yn Isaurje (Sintraal-Anatoalje) del. De rebellen wurde ferslein en lûke harren tebek yn it Taurusberchtme. Sy ferskânzje har yn berchforten en fiere in guerrillaoarloch oant 498. Anastasios I wurdt beneamd ta konsul fan it Byzantynske Ryk. Hy krijt de earetitel fan imperator (brûkt yn privee- en publike oangelegenheden).
Europa
Kening Teoderik de Grutte trout mei Audofleda, suster fan Klovis I. Sa ûntstiet in politike alliânsje tusken de Ostrogoaten en de Franken. Flak foar it houlik wurdt Audofleda doopt en bekeart hja har ta it arianisme.
Itaalje
Teodorik de Grutte ferôveret de stêd Rimini en blokkearret mei de Ostrogoatyske float de havens oan de Adriatyske kust. Hannels- en fiedseltransporten nei Ravenna wurde opkeard. Paus Gelasius I (492 - 496) folget Felix III op as 49e paus fan Rome. Yn syn pontifikaat wurdt de twaswurdelear ynfierd, in skieding tusken de wrâldske- en geastlike macht. Gelasius I skriuwt in brief oan Anastasios I, dêr't er de "lear fan de twa machten" yn ferdigenet: biskoppen moatte harren foar God en de wrâldske hearskers oer ferantwurdzje. prysters stean boppe keizers en keningen, omdat hja de hillige sakraminten útfiere. Laurentius wurdt yn Siponto (Apulje) ta biskop wijd. Neffens de leginde soe aartsingel Michael oan him ferskynd wêze op de Monte Gargano.
Berne
Ferstoarn Paus Felix II (III), (Paus fan 483 oant 492) Xiao Ni (berne 444)
Kategory:5e iuw