De Sudertsjerke wie in herfoarme tsjerke oan 'e Gedempte Glashaven yn Rotterdam. It yn 1849 boude tsjerkegebou waard by it bombardemint op Rotterdam yn 1940 ferneatige.
Skiednis Tusken de Gedempte Glashaven en de doetiidske Jufferstraat, dêr't hjoed-de-dei de Rederijhaven is, stie in tsjerke mei dyselde namme. Dat tsjerkegebou, yn 1630 as in teäter boud, wie brekfallich woarn en waard yn 1844 foar de bou fan in nije tsjerke ôfbrutsen.
Nei in priisfraach waard foar it ûntwerp fan 'e doe 29 jier âlde arsjitekt A.W. van Dam keazen. Timmerman J. van Limburgh fierde de bou foar 312.416 gûne út. Op 25 july 1845 waard nei de foltôging fan it fûnemint de earste stien foar de tsjerke lein. Op 11 oktober 1848 waard it lêste wurk oan de boppebou dien. Dûmny H. Oort naam it gebou op 22 april 1849 plechtich yn gebrûk. Meiïnoar hiene de kosten fan 'e nije tsjerke goed 500.000 gûne koste. thumb|left|Loftopname fan de tsjerke (1938) It bombardemint op Rotterdam yn 1940 ferneatige de Sudertsjerke. In werbou fûn neitiid net mear plak en yn 1960 waard as ferfanging foar de herfoarme gemeente de Paulustsjerke oan 'e Mauritsweg yn gebrûk nommen. Ek de gemeente fan 'e yn 'e oarloch ferneatige Westertsjerke hearde tenei by dy tsjerke.
Beskriuwing De Sudertsjerke hie in achthoekich grûnplan mei oan fjouwer kanten kapellen. It tek wie in achtsidige piramide, dy't fan 'e fjouwer topgevels fan de kapellen trochsnien waard. In achthoekige spits foarme de kroan. Ramen en doarren wiene spitsbôgich.
De tsjerke hie noch flak foar de ferneatiging yn 1940 nije brânskildere ramen fan Marius Richters krige.
Oargel It oargel waard boud troch de Utertske oargelboufirma J. Bätz & Co. en yn 1850 troch dûmny Blaauw ynwijd en yn gebrûk nommen troch J.B. Spoelder, de organist fan 'e tsjerke, en Bartholomeus Tours, de organist fan 'e Grutte Tsjerke.
Keppeling om utens De tsjerke op Ald Rotterdam (argyf)
Kategory:Earder bouwurk yn Rotterdam Kategory:Tsjerkegebou yn Súd-Hollân Kategory:Protestantsk tsjerkegebou yn Nederlân Kategory:Bouwurk út 1840 Kategory:Bouwurk sloopt yn 1940