Piet Kleine (Hollandscheveld, 17 septimber 1951) is in earder Nederlânsk reedrider.
Hy die njoggen kear mei oan it Wrâldkampioenskip, en it Europeesk kampioenskip allround en twa kear oan de Olympyske Winterspullen (yn 1976 en 1980). Hy waard by dizze kampioenskippen ien kear wrâldkampioen, en Europeesk kampioen allround en ien kear Olympysk kampioen. Hy waard ek ien kear Nederlânsk allround kampioen.
Yn 1981 stopte Kleine mei Langebaanriden, yn 1986 stie er foar it earst oan de start fan in grutte Maratonwedstriid. Yn 1990 waard Piet Nederlânsk kampioen Maratonriden op Keunstiis. Yn 1997 ried er as wedstriidrider de Alvestêdetocht fan 1997 út, Piet Kleine waard eins fiifde mar om't er yn Hylpen, de stimpelpost foarby riid, krige er gjin âlvestêdekrúske en kaam er net yn de útslach te stean. Dêr makke Kleine sa'n opskuor om, dat úteinlik besletten waard him dan dochs mar in Alvestêdekrúske ta te stjoeren. Dat kaam lykwols mei kearende post werom, want Kleine wie doe sa lulk dat er it net mear hawwe woe. De stimpelkaart fan Kleine is te sjen yn it Reedridersmuseum yn Hylpen. Yn 2001 hold Kleine op mei reedriden op heech nivo.
Persoanlike rekôrs Ofstân Tiid Datum Baan 500 meter 40,1030 jannewaris 1981 Eisstadion Davos, Davos1000 meter1.17,3530 jannewaris 1981 Eisstadion Davos, Davos1500 meter1.56,2813 maart 1976 Ludwig Schwabl Stadion, Inzell3 km4.08,8626 febrewaris 1981 Ludwig Schwabl Stadion, Inzell5 km7.02,3812 maart 1976 Ludwig Schwabl Stadion, Inzell10 km14.36,0323 febrewaris 1980 Olympic Skating Rink, Lake Placid
Resultaten jier NKAllround NKMaratonkeunstiis NKMaratonnatoeriis EKAllround WKAllround OlympyskeSpullen 19718ste 19728ste 1973 5e1974 Diskwalifisearre10e1975 13e1976 8ste1000 m, 18e1500 m, 6e5 km, 10 km, 1977 7e8ste1978 9e10e1979 5e13e1980 12e9e5 km, 6e10 km, 1981 8ste10e1988 1990 1991 14e 1992 25ste 1993 10e 1994 15e7e 1995 13e14e 1996 8ste8ste 1997 18e 1998 1999 30ste 2000 20ste 2001 25ste
Kategory:Nederlânsk reedrider Kategory:Nederlânsk Olympysk kampioen Kategory:Alvestêdetochtrider Kategory:Drintsk persoan Kategory:Persoan berne yn 1951