De oblast Samara (Russysk: Самарская область, Samarskaja oblast) is in oblast yn de Russyske Federaasje. Haadstêd is de stêd mei deselde namme.
Skiednis De skiednis fan it gebiet sette yn 1586 mei stifting fan de fêsting Samara útein, dy't al gau in bloeiende hannelsstêd waard. Sûnt 1708 hearde it gebiet by it nije gûvernemint Kazan, mar yn 1717 waard it by it gûvernemint Astrachan foege. Yn 1851 waard it gebiet it selsstannige gûvernemint Samara, dat yn 1918 in diel ôfstean moast foar de stifting fan de Wolga-Dútske Republyk. Yn 1936 feroare it gûvernemint Samara yn de oblast Kûjbysjev, dy't yn 1990 de namme 'oblast Samara' krige.
Geografy thumb|left|250px|Marren westlik fan it doarp Mastrjûkovo De oblast leit yn it easten fan it Russyske Leechlân oan de rin fan de Wolga. Yn it noarden grinzget de oblast oan de autonome republyk Tatarije, yn it easten oan de oblast Orenburg, yn it suden oan de lânsgrins mei Kazachstan en de oblast Saratov en yn it westen oan de oblast Uljanovsk. Goed 12% fan de oblast bestiet út bosk.
Ekonomy De yndustry is goed ên lykwichtich ûntwikkele. It foarkommen fan ierdoalje hat in soad bydroegen oan de rykdom fan de regio. Wichtige sektoaren binne de oaljeraffinaderij, de gemyske yndustry en de fleantúchbou. Yn de oblast wurkje tsientûzenen minsken yn de automobylfabriken; 80% fan alle it Russyske motorreau wurde dêr produsearre.
De opslachmar fan Kûjbysjev soarget foar de produksje fan enerzy.
Bestjoersyndieling en stêden De oblast bestiet út 27 rajon's en 10 stedsdistrikten. Haadstêd is Samara mei mear as in miljoen ynwenners. Fierders binne der noch twa stêden mei mear as 100.000 ynwenners: Toljatti en Syzran. Meiïnoar binne der 11 stêden en 14 plakken mei in stedsk karakter. thumb|260px|Samara thumb|260px|Toljatti 260px|thumb|Syzran
Grutste stêden Russysk Ynwenners Wapen Lokaasje Samara Самара 1.136.709 (2022) 40px Toljatti Тольятти 685.619 (2022) 40px Syzran Сызрань 162.886 (2022) 40px Novokûjbysjevsk Новокуйбышевск 98.373 (2022) 40px Tsjapajevsk Чапаевск 70.096 (2022) 40px Zjigûljovsk Жигулёвск 49.921 (2022) 40px Befolkingsûntwikkeling Jier 1926 1939 1959 1970 1979 1989 2002 2022 Befolking 1.454.000 1.644.000 2.256.000 2.751.000 3.093.000 3.266.000 3.239.700 3.131.720
Kategory:Bestjoerlike ienheid oprjochte yn 1936