It departemint Stêd en Lannen fan Grinslân wie in Nederlânsk departemint fan it Bataafsk Mienebest en bestie fan 1802 oant 1807. De haadstêd wie de stêd Grins.
Nei it oprjochtsjen fan it Bataafsk Mienebest yn 1801 waard by wet fan 21 juny 1802 it departemintaal ferpartsjen fan it ryk fêstlein. It eardere departemint fan de Iems waard opspjalte en it eastlik part dêrfan foarme i departemint Stêd en Lannen fan Grinslân. De grinzen kamen oerien mei it eardere goa Stêd en Lân fan de Bataafske Republyk {1795-1798), mar befette no ek de eardere generaliteitslannen Westerwâlde en Wedde. It grûngebiet fan it departemint komt likernôch oerien mei de hjoeddeistige provinsje Grinslân.
Nei it oprjochtsjen fan it keninkryk Hollân yn 1806 waard by wet fan 13 april 1807 it departemintaal ferpartsjen fan it ryk fêstlein. De namme fan it departemint waard feroare ta it departemint Grinslân.
Kategory:Bataafske Republyk Kategory:Bestjoerlike ienheid oprjochte yn 1802 Kategory:Bestjoerlike ienheid opheft yn 1807 Kategory:Skiednis fan Grinslân