De provinsjale wei 910 (N910) is in provinsjale wei yn Fryslân yn de gemeenten Noardeast-Fryslân en Achtkarspelen. De dyk foarmet in ferbining tusken de N355 benoardeasten Gerkeskleaster en de N361 by Dokkum. De dyk ûntstie yn de rin fan de 20e iuw troch opwurdearring fan besteande weidielen. De dyk wurdt fanâlds Trekwei neamd.
De dyk begjint yn de gemeente Achtkarspelen benoardeasten Gerkeskleaster. Fan dat krúspunt ôf mei de N355, ek wol bekend as De Lêste Stoer, om't it it lêste plak wie dêr't in stoer foar de pont betelle wurde moast op it paad fan Grins nei Ljouwert, rint de trekwei de gemeente Noardeast-Fryslân yn. De trekwei rint oer Lytsewâld, Kollum en Westergeast, by Driezum del nei it westen nei Dokkum ta. De trekwei rint gâns de rûte by de Strobosser Trekfeart del.
Skiednis Ynearsten wie de dyk in rykswei. De dyk wie lykwols nea in part fan it rykswegeplan en hie altyd in sekundêre funksje. Oant 1992 wie de dyk administratyf nûmere as Rykswei 858. Yn it ramt fan de Wet fan it fannijs ferpartsjen fan it Wegebehear waard de dyk oerdroegen oan de provinsje Fryslân, dy't de dyk nûmere as 910.
910 Kategory:Wei yn Fryslân Kategory:Bouwurk út de 20e iuw Kategory:Geografy fan Achtkarspelen Kategory:Geografy fan Noardeast-Fryslân Kategory:Geografy fan Kollumerlân Kategory:Geografy fan Dongeradiel Kategory:Geografy fan East-Dongeradiel Kategory:Geografy fan Dokkum (gemeente)