De Cecil B. DeMille Award (eins de Cecil B. DeMille Award for Lifetime Achievement in Motion Pictures) is de oeuvrepriis fan 'e Golden Globes, dat nei de Oscars de wichtichste Amerikaanske prizen binne op it mêd fan 'e filmyndustry. Krekt as de oare Golden Globes wurdt de priis elts jier yn jannewaris yn it Beverly Hilton yn Beverly Hills útrikt troch de Hollywood Foreign Press Association (HFPA). Foar de Cecil B. DeMille Award komme yn oanmerking akteurs, regisseurs, filmprodusinten, senarioskriuwers en oaren dy't troch de jierren hinne mei harren karriêre in wichtige bydrage levere hawwe oan 'e filmyndustry fan Hollywood.
De Cecil B. DeMille Award waard foar it earst ferjûn op 'e njoggende útrikking fan 'e Golden Globes yn 1952. Hy is ferneamd nei de earste winner, regisseur en produsint Cecil B. DeMille. Sûnt is de Cecil B. DeMille Award elts jier oan ien persoan taparte, útsein yn 1976, doe't men ornearre dat der gjin gadingmakkers wiene, en yn 2008, fanwegen de doetiidske staking fan it Writers Guild of America, it fakbûn fan 'e senarioskriuwers, dy't dat jiers hiel Hollywood platlei.
Winners 1952: Cecil B. DeMille, regisseur en filmprodusint 1953: Walt Disney, animator, produsint en ien fan 'e oprjochters fan The Walt Disney Company 1954: Darryl F. Zanuck, akteur, bokser, senarioskriuwer, produsint en ien fan 'e oprjochters fan 20th Century Fox 1955: Jean Hersholt, akteur 1956: Jack L. Warner, produsint, ien fan 'e oprjochters fan Warner Bros. 1957: Mervyn LeRoy, akteur, regisseur en produsint 1958: Buddy Adler, senarioskriuwer en produsint 1959: Maurice Chevalier, akteur en sjonger 1960: Bing Crosby, sjonger, muzikant en akteur 1961: Fred Astaire, akteur, sjonger en dûnser 1962: Judy Garland, aktrise 1963: Bob Hope, komyk en akteur 1964: Joseph E. Levine, produsint en oprjochter fan Embassy Pictures 1965: Jimmy Stewart, akteur 1966: John Wayne, akteur 1967: Charlton Heston, akteur 1968: Kirk Douglas, akteur 1969: Gregory Peck, akteur 1970: Joan Crawford, aktrise 1971: Frank Sinatra, sjonger en akteur 1972: Alfred Hitchcock, regisseur 1973: Samuel Goldwyn, produsint en ien fan 'e oprjochters fan Metro-Goldwyn-Mayer (MGM) 1974: Bette Davis, aktrise 1975: Hal B. Wallis, produsint 1976: net útrikt 1977: Walter Mirisch, produsint en ien fan 'e oprjochters fan The Mirisch Company 1978: Red Skelton, akteur 1979: Lucille Ball, aktrise 1980: Henry Fonda, akteur 1981: Gene Kelly, akteur, sjonger en dûnser 1982: Sidney Poitier, akteur en regisseur 1983: Laurence Olivier, akteur 1984: Paul Newman, akteur en regisseur 1985: Elizabeth Taylor, aktrise 1986: Barbara Stanwyck, aktrise 1987: Anthony Quinn, akteur en keunstner 1988: Clint Eastwood, akteur, regisseur en produsint 1989: Doris Day, aktrise 1990: Audrey Hepburn, aktrise 1991: Jack Lemmon, akteur 1992: Robert Mitchum, akteur 1993: Lauren Bacall, aktrise 1994: Robert Redford, akteur, regisseur en produsint 1995: Sophia Loren, aktrise 1996: Sean Connery, akteur 1997: Dustin Hoffman, akteur 1998: Shirley MacLaine, aktrise 1999: Jack Nicholson, akteur 2000: Barbra Streisand, sjongster, aktrise, regisseur, produsinte, senarioskriuwster en komponiste 2001: Al Pacino, akteur 2002: Harrison Ford, akteur 2003: Gene Hackman, akteur 2004: Michael Douglas, akteur 2005: Robin Williams, akteur en komyk 2006: Anthony Hopkins, akteur 2007: Warren Beatty, akteur en regisseur 2008: net útrikt 2009: Steven Spielberg, regisseur, produsint en oprjochter fan DreamWorks Pictures 2010: Martin Scorsese, regisseur 2011: Robert De Niro, akteur 2012: Morgan Freeman, akteur 2013: Jodie Foster, aktrise, regisseur en produsinte 2014: Woody Allen, regisseur, akteur, komyk, senarioskriuwer en produsint 2015: George Clooney, akteur, senarioskriuwer, regisseur en produsint 2016: Denzel Washington, akteur, regisseur en produsint 2017: Meryl Streep, aktrise 2018: Oprah Winfrey, presintatrise, aktrise en produsinte 2019: Jeff Bridges, akteur, sjonger en produsint 2020: Tom Hanks, akteur, regisseur, produsint en senarioskriuwer 2021: Jane Fonda, aktrise, regisseur en senarioskriuwster 2022: net útrikt 2023: Eddie Murphy, akteur en komyk 2024: net útrikt 2025: Viola Davis, aktrise 2026: Helen Mirren, aktrise
Keppelings om utens Offisjele webside fan 'e Golden Globes
Sjoch ek Eare-Oscar
Kategory:Amerikaanske filmpriis Kategory:Priis of ûnderskieding ynsteld yn 1952 Kategory:Golden Globe