Bitcoin is in kryptofaluta dy't yn 2009 ta stân kaam troch Satoshi Nakamoto (skûlnamme fan in ûnbekende persoan of groep). It útgongspunt fan de betinkers wie it mooglik meitsjen fan digitale betellings tusken brûkers, sûnder dat dêr in tredde partij by belutsen wurdt. In wichtich ûnderskied tusken Bitcoin en oare faluta is dat Bitcoin net troch in sintrale bank beheard wurdt en dêrom beskerme is tsjin politike ynfloeden. De earste Bitcoin-betelling fûn plak op 12 jannewaris 2009, doe't de Amerikaanske kompjûterwittenskipper Hal Finney 10 Bitcoins krige fan har oprjochter Satoshi Nakamoto.Guinness World Records First Bitcoin transaction Op dat stuit hie Bitcoin gjin monetêre wearde. It wie pas yn 2010 dat Bitcoin koe wurde kocht foar oare faluta en sûnt doe is de priis fan in Bitcoin flink omheech gien.Investopedia Bitcoin's Price History
Keppeling om utens Offisjeel webstee Bitcoin Nederlân
Kategory:Kryptofaluta Kategory:Yntroduksje út 2009