Alexandra Terlouw-Van Hulst (Amsterdam, 19 febrewaris 1935 – Twello, 23 augustus 2017) wie in Nederlânsk skriuwster en oersetster. Se wie de oarehelte fan skriuwer en politikus Jan Terlouw en de mem fan skriuwster Sanne Terlouw.
Wurkpaad Doe't hja natuerkunde studearre moete Alexandra van Hulst har lettere man Jan Terlouw. Nei't se mei de natuerkundestúdzje opholden wie, studearre se algemiene taalwittenskippen. Se hie in protte ynfloed op it begjin fan de skriuwerskarriêre fan har man troch syn earste wurk nei in útjouwer te stjoeren. Letter holp se by it skriuwen mei korreksjewurk.
Frou Terlouw fertaalde yn 1976 twa boeken fan de Amerikaanske skriuwster Lynn Hall: Sticks and Stones (oerset as Maak me niet kapot) en The Siege Of Silent Henry (oerset as De belegering van stille Sijmen).DBNL.nl - Alexandra Terlouw - van Hulst Maak me niet kapot behelle de Zilveren Griffel yn 1976.Letterkundich museum.nl
Op hegere leeftyd begûn se sels boeken te skriuwen. Har earste boek wie De man van Tsinegolde, útjûn yn 2013 troch útjouwerij De Kring. Dit boek beskriuwt de Twadde Wrâldoarloch sjoen troch de eagen fan in jong famke dat har almar mear bewust wurdt fan it barren om har hinne. It boek is foar in part basearre op eigen ûnderfinings fan Alexandra.Uitgeverij De Kring - De man van Tsinegolde Har twadde boek, Eén vrouw, twee mannen, kaam út yn 2014 en bekriuwt in trijehoeksferhâlding, dêr't de titel nei ferwiist.Uitgeverij De Kring - Eén vrouw, twee mannen
Bibliografy 2013 - De man van Tsinegolde 2014 - Eén vrouw, twee mannen
Kategory:Nederlânsk romanskriuwer Kategory:Nederlânsk oersetter Kategory:Persoan berne yn 1935 Kategory:Persoan stoarn yn 2017