Boelensloane is in doarp yn de gemeente Achtkarspelen, súdwest fan Surhústerfean.
Boelensloane hat ()https://opendata.cbs.nl/statline ynwenners.
Namme De namme Boelensloane waard yn 1899 foar it earst neamd en ferwiist nei de famylje Boelens, dy't in state hie yn Bûtenpost (Grut Skepper) en yn de krite in soad grûn besiet. De famylje levere ek ferskillende grytmannen yn Achtkarspelen.Friese Plaatsnamen, K.F. Gildemacher, side 44 De haadwei fan it doarp wie ynearsten in sânpaad.
Skiednis Boelensloane wie eartiids in heidegebiet yn it doarpsgebiet fan Surhústerfean en ûntstie as doarp pas yn de 19e iuw. It gebiet waard ynearsten Surhústerfeanske heide of Feansterheide neamd. De earmoede wie grut en de earmsten wennen yn plaggehutten en hoalen.
thumb|left|De yn 1852 boude herfoarme tsjerke Yn 1852 waard der in herfoarme tsjerke boud en stadichoan ûntstie der út de fersprate lytsere delsettings in lintbebouwing. Pas oan it begjin fan de 20e iuw waarden der yn it ramt fan de Wenningwet stiennen hûzen boud.
It sosjalisme krige yn dy tiid in soad oanhing yn Boelensloane. Foar de tsjerke oer lieten de sosjalisten yn 1933 in Folksgebou delsette, dêr't de arbeiders harren ferheffe koene.PvdA Achtkarspelen It gebou bleau oant 1976 iepen.
Yn de Twadde Wrâldkriich kamen fiif ynwenners fan Boelensloane om troch besjittings, by it besykjen om te flechtsjen of yn 'e konsintraasjekampen. Ta harren neitins en de twa slachtoffers fan Houtigehage is in plaquette oan de eardere herfoarme tsjerke oanbrocht.4en5mei.nl
Om 1960 hinne is besocht om de namme Boelensloane om te setten yn Boelensfean, mar dat is der net fan kommen. Troch de nijbou hat it doarp dat earder bestie út streekjes huzen en fersprate bebouwing wat mear in buorren krigen.
Mienskip thumb|260px|De Smoutte Boelensloane hat sûnt 2012 in doarpshûs, dat De Smoutte hjit. Pleatslik Belang ynformearret de bewenners mei de doarpskrante Nijs fan 'e Loane.
De ynwenners op 'e Loane wurde tradisjoneel foar heidemannen útmakke.AFUK list út de jierren 1980 mei ferwizing nei in jierboekje fan de Fryske Akademy fan P.H. Breuker.
Tsjerken
De herfoarme tsjerke út 1852 waard yn 1980 sletten en docht hjoed-de-dei tsjinst as aula fan 'e begraffenisferiening. It Wite Tsjerkje wurdt brûkt troch de Fuortsette Grifformearde Tsjerke.
Skoalle thumb|260px|Gearwurkingsskoalle De Wâldiik Der is ien skoalle: de gearwurkingsskoalle De Wâldiik. Dy skoalle is ûntstien troch in fúzje yn 2013 fan de eardere kristlike skoalle De Stile en de eardere iepenbiere skoalle de Jan van Zuilenskoalle.
Ferienings Fûgelwacht De Kompenije-Boelensloane-De Houtigehage-De Rottefalle Kuorbalferiening Boelensloane
Befolkingsferrin Jier 1954 1959 1964 1970 1973 1999 2008 Ynwenners 1621 1481 1412 1263 1223 1186 1143 Jier 2015 2020 Ynwenners 1138 1199
Doarpswapen en flagge Boelensloane ûntstie yn de tiid fan de turfwinning. It wapen is keperfoarmich trochsnien fan read en goud, mei oer alles hinne kruse twa stikken turfstekkersark: in stekker en in oplizzer mei de stâle nei ûnderen ta; in griene skyldfoet beladen mei in sulveren roas. It read ferwiist nei de heide en de striidberens fan de befolking, wylst it goud de sângrûn foarstelt. De griene skyldfoet is in ferwizing nei De Wâlden. De roas dêryn is ûntliend oan it famyljewapen Boelens. thumb|260px|Wite Tsjerkje Ynfrastruktuer Strjitten Alle strjitten yn Boelensloane.
Iepenbier ferfier Troch Boelensloane rint de folgjende busline:
Line 13: Ljouwert - Drachten fia Surhústerfean
De busline troch Boelensloane wurdt fersoarge troch Qbuzz.
Publikaasje (s) "Later is vroeger niet mooier" (1991) "Twa doarpen op 'e heide (2020)" thumb|260px|Pleats Boelenswei 6 Sjoch ek Fryske doarpen.
Keppeling om utens Film oer Boelensloan (1969)
Kategory:Doarp of stêd yn Achtkarspelen