Nijetrine is in doarp yn de Grutte Feanpolder tusken Wolvegea en Kuunder oan de N351 yn 'e gemeente Weststellingwerf.
It doarp hat ()https://opendata.cbs.nl/statline ynwenners.
Namme Der is gjin wissichheid oer de ferklearring fan de namme. Mooglik soe 'trind' fan it Aldfryske 'trund' stamme, dat nei de foarm fan it eardere doarp 'rûn' betsjut. In oare ferklearring is dat '-trine' ôflaat is fan it tiidwurd 'trahiren' (lûke) en ferwize soe nei in lange rige perselen. In oare mooglikheid is dat '-trine' ôflaat is fan de hillige Katryn, de patroanhillige fan de tsjerke.Skiednis fan de Stellingwerven en Noardwest Oerisel (Stienwikerlân), oproppen 10 july 2023
Skiednis Neffens G.P. Mulder yn 'e De Stellingwerfse Dorpsnamen bestie der yn 'e midsiuwen in parochy mei de namme 'Trinde', werút de twa nije parochy's 'Ostrinde' en 'Westrinde' ûntstiene. It âlde diel fan de lytsere parochy waard sûnt 'Oldetrinde' (Aldetrine) neamd. De parochy Westrinde evoluearre oer de namme 'Nije Trinde' yn Nijetrine.
It doarp waard yn 1320 yn in oarkonde fan de biskop fan Utert as 'Nieuwestrinde' neamd. Om 1320 hinne waarden Westrinde en Nijetrinde troch inoar helle om't se noch net oan de nije nammen wend wiene.Skiednis fan de Stellingwerven en Noardwest Oerisel (Stienwikerlân), oproppen 10 july 2023
Op de Schotanusatlas fan 1716 bestie Nijetrine op de gritenijkaart út wat pleatsen en in pear hûzen. Nijetrine hat in tsjerke hân mei in tuorke, dy't healwei de 18e iuw fanwegen brekfalligens ôfbrutsen waard. Foar de reformaasje wie dy tsjerke wijd oan Sint-Katryn, ek wurdt Nikolaas as patroanhillige neamd.Corpus Roemeling, oproppen 10 july 2023
Troch de feanterij om it doarp hinne ûntstie yn 'e 19e iuw de Rottige Meente. De bebouwing ferhûze yn dy tiid fan 'e Binnenwei nei de letter oanleine Pieter Stuyvesantwei, dêr't yn 1919 ek in nij tsjerkje boud waard.Friesland Wonderland, Peter Karstkarel.
Mienskip thumb|260px|Mûne 'De Reidfink' It doarp hat in eigen feriening foar Pleatslik Belang. De ferienings fan doarpsbelangen fan de doarpen yn 'e Grutte Feanpolder wurkje nau mei inoar gear. De doarpen hawwe it mienskiplik doarpshûs 't Polderhuus yn Munnikebuorren.
Tsjerke Evangelyske gemeente Maranatha
Befolkingsferrin Jier 1840 1954 1959 1964 1969 1973 2007 Ynwenners 560 249 240 204 217 161 160 Jier 2015 2020 Ynwenners 129 140
(Boarnen: 1840: Plaatsengids.nl; 2015 en 2020: Alle Cijfers)
Berne Annamarie Thomas (1971), hurdrydster.
Eveneminten Opera Nijetrine. Gea Nijetrine leit midden yn it natoergebiet de Rottige Meente, dêr't sûnt de útsetting ek de otter wer syn leefgebiet hat.
Oan it ein fan de yn 1748 groeven Jonkersfeart leit in slûs om trije ferskillende wetternivo's te passearen . De slûs waard yn 1775 oanlein en yn 1927 fernijd en is hjoeddedei in ryksmonumint.Ryksmonuminten, oproppen 10 july 2023.
Yn de omkriten steane de eardere poldermoles De Reager en De Reidfink en in pear wynmotors.
Strjitten Feandyk, Lindedyk, Pieter Stuyvesantwei, Scheenepaad, Spangeahoekwei, Tsjerkewei.
Sjoch ek Fryske doarpen.
Keppeling om utens Opera Nijetrine
Kategory:Doarp of stêd yn Weststellingwerf