De Langelille is in doarp yn it westen fan de gemeente Weststellingwerf, by de Tsjonger.
De Langelille hat ()https://opendata.cbs.nl/statline ynwenners. Skiednis De namme wurdt al yn 1644 as De Lange Lille op in lânkaart fan Bernardus Schotanus à Sterringa neamd. Lille betsjut slop, in ferwizing nei de slappe ûndergrûn fan de dyk dêr't it doarp ûntstie. De doarpsnamme ferwiist dus nei in lange, sloppe dyk.
De Langelille ûntstie op de lofter ouwer fan De Tsjonger en hat him lâns de heaks op de rivier lizzende Tsjerkewei útwreide. Minsken út Langelille gienen earder nei tsjerke oer de Tsjerkewei. Dy eardere Swarte dyk, dy't no Tsjerkewei hjit, wie eartiids in gewoane reed. Op de dyk fan Langelille moast eartiids geregeld liem smiten wurde om de dyk stevich te hâlden.
Tusken 1896 en 1970 stie yn Langelille it molkfabryk De Volharding. Oant 1964 wie De Langelille ûnderdiel fan Munnikebuorren. Mienskip Langelille hat mei oare doarpen yn 'e Grutte Feanpolder in mienskiplike feriening Pleatslik Belang.
Tsjerke Langelille wie oant 1964 in buorskip fan Munnikebuorren en hat nea in eigen tsjerke hân. It doarp heart tsjerklik by de PKN-gemeente Skerpenseel-Munnekebuorren.
Skoalle Yn 1964 binne de skoallen fan Spangea, Nijetrine, Skerpenseel, De Langelille en Munnikebuorren gearfoege ta ien sintrale skoalle: de Heidaskoalle yn Munnikebuorren; tsjintwurdich De Aventurijn.
Befolkingsferrin Jier 1840 1969 1973 2008 2010 2015 2020 Ynwenners 170 335 269 270 250 235 245 (Boarnen: 1840: Plaatsengids; 2015 en 2020: Alle Cijfers)
Ferskaat By it doarp leit rekreaasjesintrum De Trijesprong oan De Tsjonger mei in kemping, in kafee en in swimplak.
Ynfrastruktuer
Bustsjinst Troch De Langelille rint de folgjende busline:
Line 217: Wolvegea - Skerpenseel
De busline troch De Langelille wurdt fersoarge troch Qbuzz.
Strjitten Tsjerkewei, Langelillewei, Lemsterwei.
Sjoch ek Fryske doarpen.
Kategory:Doarp of stêd yn Weststellingwerf