Femke de Walle (Baambrugge, 13 maart 1983) is in Frysk presintatrise en muzikante. Se waard yn 1983 út Fryske âlden berne yn Baambrugge, in plak yn it noardwesten fan 'e provinsje Utert, deunby de Finkefeanske Plassen. Se groeide lykwols op yn Fryslân en genoat middelber ûnderwiis op 'e HAFU fan it Kristlik Lauwers Kolleezje yn Bûtenpost. Neitiid studearre De Walle sjoernalistyk oan 'e Hegeskoalle Windesheim yn Swol.
De Walle waard radioferslachjouster en -presintatrise by Omrop Fryslân. Se presintearre it radioprogramma De Middei Fan Fryslân. Dêrnjonken is se ek muzikante (pianiste) en treedt se op mei har suske Elske DeWall. De Walle wennet op De Gordyk mei har man Allan en bern, de twilling Liv en Liam (2013) en Luuk (2017). Yn maart 2020 lei se har wurk by Omrop Fryslân en as muzikante abrupt del om't se skjin ynein wie en har batterij net mear opladen krige. Sels omskreau se it yn in fraachpetear mei de Ljouwerter Krante sa: "Ik rûn mei de bek op 'e grûn."
Keppelings om utens Femke de Walle op Facebook Femke de Walle op Twitter Femke de Walle op LinkedIn
Kategory:Frysk telefyzjepresintator Kategory:Frysk radiopresintator Kategory:Frysk ferslachjouwer Kategory:Omrop Fryslân-wurknimmer Kategory:Frysk muzikant Kategory:Frysk pianist Kategory:Persoan berne yn 1983