De Notre-Dame fan Parys is in katedraal op de Île de la Cité yn Parys, in eilân yn de Seine. Notre Dame bestjút 'Us Frouwe', yn dit gefal Marije, de mem fan Jezus Kristus. Yn Frankryk stean ferskate tsjerken mei de namme Notre Dame. De Notre-Dame fan Parys hat in lingte fan 130 meter en in hichte fan sa likernôch 70 meter. Alle jierren wer wurdt de katedraal besocht troch wol 14 miljoen toeristen.
Biskop Maurice de Sully joech ûnder Loadewyk VII opdracht ta de bou fan de katedraal. De earste stien waard yn 1163 troch paus Aleksander III dellein. Yn 1345 wie de bou fan de katedraal dien.
Yn 1804 kroande Napoleon himsels ta keizer yn de Notre Dame.
Mei de metro kin men it maklikst by de Notre-Dame fan Parys komme troch de halte 'metro station Cité' te brûken.
Brân
Op 15 april 2019 wie der in grutte brân yn de katedraal op in momint dat de katedraal renovearre waard. De krusingstoer en it dak fan it gebou stoarten yn en der ûntstie grutte skea oan it ynterieur, de boppemuorren en de ramen fan de tsjerke, allyksa oan tal fan keunstwurken. It stiennen ferwulft ûnder it dak behindere dat it grutste part fan de brân yn it binnenste fan 'e katedraal berikke koe. Dêrtroch bleau it gebou úteinlik fierdere skea besparre.
Literatuer Pascal Tonazzi: Florilège de Notre-Dame de Paris (anthologie). Éditions Arléa, Paris, 2007, ISBN 2-86959-795-9
Keppeling om utens Side Notre-Dame Paris.org Free photos of Notre Dame Cathedral
Kategory:Katedraal yn Frankryk Kategory:Tsjerkegebou yn Parys Kategory:Bouwurk út 1163 Kategory:Bouwurk út 1345 Kategory:Tsjerkegebou yn it aartsbisdom Parys Kategory:Roomsk-katolyk tsjerkegebou