Polikarpov I-180 300px Rol jachtfleanmasine Makker Polikarpov Untwerper Nikolaj Polikarpov Earste flecht 15 desimber 1938 Tal makke 10 + trije prototypes (1938-1940) Brûkers Sowjet-Uny
De Polikarpov I-180 wie in jachtfleanmasine mei ien motor, ûntwurpen troch de Russyske fleantúchbouwer Nikolaj Nikolajevitsj Polikarpov.
It tastel ûntstie út de súksesfolle Polikarpov I-16 en de Polikarpov I-17. It wie ek de earste sovjetfleanmasine mei in ferstelbere trijeblêdige propeller. As oandriuwing hie it tastel in M-88-stjermotor.
De earste flecht fan de I-180-1 wie op 15 desimber 1938 en einige yn in ûngemak. By it oanfleanen fan de lâningsbaan joech de motor belies en it tastel stoarte del; de bekende fleander Valeri Pavlovitsj Tsjkalow ferlear dêrby it libben. It twadde tastel, de I-180-2 krige in oare motor, M-87B, en de spanwiidte waard fergrutte mei 105 cm. Doe't dat tastel ek ferûngemakke op in testflecht, waard it ûntwikkelingsprogramma fanwege Josef Stalin útsteld en Polikarpov foel yn ûngenede. Nettsjinsteande dat fleach der noch in tredde prototype, no mei in sletten cockpit, en waard der in rige fan tsien fan dizze I-180S boud. De prestaasjes fan dit type foelen net ôf. In wer ferbettere ferzje lei al op de tekentafel, mar dochs waard ein 1940 besletten mei it I-180-programma op te hâlden en rjochte Polikarpov him op de ûnjouwing fan de I-185.
Technyske feiten + I-180S Feiten Spanwiidte 10,05 m Lingte 6,9 m Wjukoerflak 16,1 m² Startgewicht 2.675 kg Oandriuwing ien dûbelstjermotor M-88R Fermogen 735 kW (1.000 HK) Topfaasje 585 km/û op 7.100 m Klimfaasje nei 5.000 m yn 5 min Plafond 11.000 m Fleanberik 900 km Bewapening twa 7,62-mm-MG SchKAS200 kg bommen Bemanning 1
Kategory:Russyske jachtfleanmasine Kategory:Yntroduksje út 1938