thumb|Jan Wuite Jan Jans. Wuite (Tsjalbert, 8 maart 1877 - De Haach, 26 oktober 1946) wie boer, ferfeanter en politikus.
Libben en wurk Jan Wuite wie in soan fan Jan Jans Wuite en Esther Geerts Pijlman. Wuite wurke nei de mulo ynearsten yn de feanterij fan syn famylje yn Vroomshoop, mar fielde mear fan de lânbou. Hy studearre oan de lânbouskoalle yn Grins. Dêrnei sette er útein mei in eigen lânboubedriuw en wie dêrneist ek maatskiplik wakker warber"J. Wuite Jzn. zestig jaar. Een verdienstelijk man voor den Landbouw." yn Algemeen Handelsblad, 7 maart 1937. Hy wie foarsitter fan de Friese Maatschappij van Landbouw (1919-1930). Yn 1927, by gelegenheid fan it 75-jierrich bestean fan de Mij, waard er beneamd ta Offisier yn de Oarder fan Oranje-Nassau. Teffens wie er ûnder oare sekretaris fan de Fryske Vereniging voor Vreemdelingenverkeer.
Wuite wie lid fan Provinsjale Steaten fan 1919 ôf (oant ?) en lid fan Deputearre Steaten fan Fryslân fan 6 july 1927 oant 15 oktober 1930. Neifolgjend waard er boargemaster fan Smellingerlân yn 1930. Yn 1941 frege er om reden fan sûnens ûntslach oan.
Hy wenne yn it boargemastershûs oan de hjoeddeiske Boargemaster Wuitewei yn Drachten, dy't yn 1942 nei him ferneamd waard, dat yn 1914 boud is troch arsjitekt Cees Rienks de Boer yn opdracht fan ryksfeearts De Boer.
Wuite stoar yn 1946, yn de âldens fan 69 jier, yn De Haach en waard te hôf brocht yn syn berteplak Tsjalbert.
Kategory:Frysk boer Kategory:Frysk bestjoerder Kategory:Frysk politikus Kategory:Boargemaster fan Smellingerlân Kategory:Frysk deputearre Kategory:Ofsier yn de Oarder fan Oranje-Nassau Kategory:Persoan berne yn Tsjalbert Kategory:Persoan berne yn 1877 Kategory:Persoan stoarn yn 1946