thumb|260px|Himrik fan Wadway yn 'e gemeenten Opmar en Medemblik. Wadway (Frysk: Waadwei) Nij Frisia, maart 2015, side 20 is in doarp dat yn 'e gemeenten Medemblik en Opmar yn 'e regio West-Fryslân yn 'e provinsje Noard-Hollân leit.
It doarp hat () ynwenners. Geografy en bestjoer Wadway leit tusken de doarpen Spanbroek en Wognum. De buorren fan it doarp leit yn 'e gemeente Opmar. Hoewol't it in eigen kearn hat, wurdt it bytiden dochs by de grutte plakken ûnderferdield. Sa wurdt it diel yn 'e gemeente Opmar ta it doarp Spanbroek rekkene en it stik yn 'e gemeente Medemblik by it doarp Wognum. Oant 1 jannewaris 2007 foel it gedielte yn 'e gemeente Medemblik ûnder de eardere gemeente Wognum, dat sels opgien is yn 'e fúzjegemeente Medemblik.
Etymology It plak is al frij âld, yn 'e 11e iuw wurdt it doarp al neamd as Wadwey. Yn 1310 komt it foar as Watwey. De plaknamme is in gearlûking fan waad, dat 'trochwaadber plak' betsjut en way, dat 'wei' (greide) betsjut.
It besjen wurdich
Wadway is lanlik bekend troch de Teätertsjerke fan Wadway, in tsjerke dêr't in teäter yn fêstige is. De tsjerke sels, de Magdalena Tsjerke, is fan 1547. Yn 'e jierren fyftich fan 'e 20e iuw rekke de tsjerke yn ferfal. It waard in teätertsjerke neidat de souder fan Harry van Scherpenberg út Hoarn te lyts waard om toaniel te spyljen foar it publyk dat toaniel sjen woe en socht om in nije romte. Foar de tsjerke waard de Stifting Wadway oprjochte yn 1966, dy't èn de tsjerke restaurearje moast èn de tsjerke geskikt meitsje moast as teäter. Yn septimber waard de tsjerke offisjeel iepene as teäter. Al gau waard de teätertsjerke berucht oant úteinlik populêr en wurdearre by publyk en artysten.
Yn it doarp wurdt der fierders alle jierren yn septimber ringstekken en in autocross organisearre.
Kategory:Plak yn Medemblik (gemeente) Kategory:Plak yn Opmeer