thumb|182px|'n Dubbelblasy uit die Koran met die opskrif en eerste vyf verse van die soera "Die Lig". Iran, 1186. Chester Beatty-biblioteek.
An-Nûr (Arabies: النور, "Die Lig") is die 24ste soera, of hoofstuk, van die Koran. Dit bevat 64 ajat, of verse, en is vermoedelik in Medina aan Mohammed geopenbaar.
Opsomming Die meeste geleerdes stem saam dat dié soera geopenbaar is kort voor of ná die Slag by die Grag in 5 A.H. Dit begin met verskeie verduidelikings en opdragte met betrekking tot korrupte seksdade, gesinsreg en besonderhede oor die lewering van getuienis. Die belangrikste hiervan is God se straf vir owerspel. Dié deel eindig met die uitspraak dat goeie vroue en goeie mans vir mekaar is, nes onreine vroue en onreine mans vir mekaar is.
Die bespreking verander in oordenkings oor privaatheid en kuisheid. Daar is verskeie regulasies oor kuisheid, wat dikwels gebruik word om die dra van die hidjab te regverdig. Nadat die regulasies vir vroue neergelê is, kom mans aan die beurt. Hulle word gevra om nie slawevroue te dwing tot prostitusie nie, asook om met vroue te trou wat 'n man nodig het, ondanks hulle armoede.
Verwysings
Skakels
Kategorie:Hoofstukke van die Koran