George Szamuely (gebore 1954) is 'n senior navorsingsgenoot aan die Globale Beleidsinstituut (Global Policy Institute). Hy het as rubriekskrywer gereeld bydraes gelewer vir The New York Press. Szamuely het ook geskryf vir Antiwar.com, Counterpunch, Commentary, The Observer en die Sentrum vir Navorsing oor Globalisasie (Centre for Research on Globalization). Hy is 'n gereelde gas op Russia Today se vlagskip program CrossTalk.
Biography
Hy is gebore in Hongarye. Sy vader was die geskiedkundige Tibor Szamuely (1925–1972), wat afkomstig is uit 'n Joodse handelsfamilie. Sy moeder was Nina (née Orlova; 1923-1974), wat van Russiese oorsprong was. Sy groot-oom was die kommunistiese rewolusionêr Tibor Szamuely (1890–1919). Sy suster Helen Szamuely is 'n prominente figuur in die stigting van die UK Independence Party. Szamuely het gestudeer aan University College London en aan die London School of Economics. Hy het ook 'n doktorsgraad aan die London Metropolitan University verwerf.
Hy was vir 'n paar jaar redakteur van die Times Literary Supplement en The National Law Journal. Hy was ook 'n rubriekskrywer by die New York Press.
Politiese oogpunte
Szamuely is 'n vurige kritikus van Amerikaanse buitelandse beleid, en argumenteer dat die realiteit die diametriese teenoorgestelde van die verhewe retoriek is. Die skynbare humanitêre aspirasies lei sonder uitsondering tot ekstreme nie-humanitêre uitkomstes.
Hy is baie krities oor die werk van die Verenigde Nasies se tribunale, veral die Internasionale Straftribunaal vir die Voormalige Joego-Slawië. Hy voer aan dat die tribunaal en menseregtegroepe soos Human Rights Watch konflik eerder as versoening bevorder, en die belange van Westerse moondhede en dié van hul bondgenote dien deur hul teenstanders te teiken, terwyl hulle dikwels baie ernstiger misdade ignoreer. Hy het twyfel uitgespreek oor of die Internasionale Strafhof ooit bereid sal wees of in staat daartoe sal wees om onpartydige geregtigheid toe te pas. Hy argumenteer dat Serwië se optrede in Joego-Slawië op onregverdige wyse verkeerdelik geïinterpreteer is. George Szamuely, The Yugoslavian Fairy Tale
Szamuely se oorsig oor NAVO se ingryping in die Balkan, Bombs for Peace: NATO's Humanitarian War on Yugoslavia,George Szamuely, Bombs for Peace: NATO's Humanitarian War on Yugoslavia word gepubliseer deur Amsterdam University Press.
Verwysings
Eksterne skakels Szamuely en Lavelle se The Gaggle: Youtube, Rumble.com, Thegaggle.locals.com,
Kategorie:Geboortes in 1954 Kategorie:Joernaliste Kategorie:Lewende mense