Die 2021-Rugbykampioenskapsreeks was die negende jaarlikse rugbytoernooi tussen die nasionale spanne van Argentinië, Australië, Suid-Afrika en Nieu-Seeland. Die kompetisie word bedryf deur SANZAAR, ’n gesamentlike onderneming van die vier lande se nasionale rugbyunies. Die spanne is onderskeidelik die Pumas, Springbokke, Wallabies en die All Blacks. Suid-Afrika het weer by die toernooi aangesluit ná ’n jaar uit in 2020 weens reisbeperkings van die Suid-Afrikaanse regering en kommer oor spelerswelsyn en veiligheid wat met die wêreldwye Covid-19-pandemie verband hou. Die toernooi het teruggekeer na sy normale vensterperiode van Augustus, wat op 14 Augustus afgeskop en op 2 Oktober geëindig het.
Nieu-Seeland het die toernooi vir die 18de keer gewen. Buitendien het hulle die Bledisloebeker ingepalm en die Vryheidsbeker gewen, terwyl Australië met die Mandela Uitdaagplaat en die Poematrofee weggestap het.
Formaat Die formaat vir die 2021-toernooi was soortgelyk aan dié van vorige jare. Elke span het ’n totaal van ses wedstryde elk gespeel, en twaalf in totaal. Met ’n wen het ’n span vier punte verdien, gelykop twee ligapunte, en ’n verloor met agt of meer punte nul ligapunte. ’n Bonuspunt kon verdien word op een van twee maniere: deur ten minste drie drieë meer as die teenstander in ’n wedstryd te druk, of deur met sewe punte of minder te verloor. Die kompetisie se wenner was die span met die meeste ligapunte aan die einde van die toernooi.
Reisverbod Met voortgesette reisbeperkings wat verband gehou het met die Covid-19-pandemie, is die grootste deel van die toernooi in Australië en Nieu-Seeland aangebied, met Suid-Afrika wat ook twee wedstryde aangebied het – hul twee wedstryde teen Argentinië in die eerste twee rondtes.
Op 24 Augustus is aangekondig dat alle wedstryde in Rondtes 3–6 in Queensland, Australië, aangebied sou word. Dit het gekom nadat COVID-beperkings in Nieu-Seeland beteken het dat Suid-Afrika nie na Nieu-Seeland kon reis nie. Weens die onsekerheid oor die oorspronklike skedule vir die Kampioenskap, het die All Blacks ook hul reis na Australië vir hul rondte 2-kragmeting in Perth vertraag.
Nuwe rugbyreëlproewe Die 2021-Rugbykampioenskap was die eerste internasionale rugbykompetisie wat die nuwe wêreldwye rugbyreëlproewe ingesluit het, wat ontwerp is om die prioriteitsmissie van kopimpakvermindering en potensiële welsynsverbetering oor die hele wedstryd heen te ondersteun. Sommige van die reëlaanpassings is voorheen op Superrugbyvlak in Australië en Nieu-Seeland getoets; die doellyn-inskop en die 50:22, terwyl die ander nuut is om te help om beseringsrisiko by afbreekplekke te verminder. Daarbenewens, buiten Wêreldrugby se wêreldreëlproewe, het 2021 se Rugbykampioenskap ook 'n rooikaart van 20 minute op die proef gestel, iets wat reeds in Australië en Nieu-Seeland se onderskeie Superrugbytoernooie gebruik is.
Die kampioenskap is deur Nieu-Seeland gewen ná sy oorwinning met 19–17 teen Suid-Afrika op 25 September.
Telkaart Nasie Wedstryde Punte Bonuspunte Ligapunte Speel Wen Gelyk Verloor Vir Teen Verskil1 6 5 0 1 218 104 +114 5 252 6 4 0 2 160 163 –3 2 183 6 3 0 3 152 128 +24 3 154 6 0 0 6 60 195 –135 0 0
Wedstryddatums DatumDatumWeek 114 AugustusWeek 418 SeptemberWeek 221 Augustus5 SeptemberWeek 525 SeptemberWeek 312 SeptemberWeek 62 Oktober
Week 1
Week 2
Week 3
Week 4
Week 5
Week 6
Rugbykampioenskapreekskampioen 2021
Statistiek Meeste punte en drieë Meeste punte aangeteken: Naam Punte 1 Handré Pollard 66 2 Jordie Barrett 53 3 Quade Cooper 47 4 Andrew Kellaway 35 5 Elton Jantjies 26 Meeste drieë gedruk: Naam Drieë 1 Andrew Kellaway 7 2 David Havili 3 Will Jordan Malcolm Marx Sevu Reece
Sien ook
Verwysings
Eksterne skakels 2021-Rugbykampioenskapreeks op ESPNscrum
Kategorie:Die Rugbykampioenskap Kategorie:Sport in 2021