Namibië beskik oor ongeveer 5 persent van die wêreld se uraanreserwes.World Nuclear Association. 2022. https://world-nuclear.org/information-library/country-profiles/countries-g-n/namibia.aspx Die land se reserwes is voldoende om tot 10 persent van totale wêreldproduksie te verskaf. Namibië is die tuiste van die wêreld se tweede en sesde grootste uraanmyne en die land was in 2020 die derde grootste produsent van die mineraal, naas Kasakstan en Australië.World Nuclear Association. 2022. https://world-nuclear.org/information-library/nuclear-fuel-cycle/mining-of-uranium/world-uranium-mining-production.aspx
Geskiedenis Die eerste uraan is in 1928 in die Namib-woestyn ontdek 65 kilometer van Swakopmund af in die rigting van Usakos. Hierdie neerslag, wat ʼn lae ertsgraad gehad het, het nie wye belangstelling gelok nie. Eers teen die einde van die 1950’s is daar weer na die Rössing-neerslag gekyk en veral toe Rio Tinto verskeie verdere neerslae in die omgewing gevind het.Rössing-myn. 2022. https://www.rossing.com/history.htm Tien jaar later het die Rössingmyn in 1976 met produksie begin as die eerste uraanmyn in Namibië.
Twee verdere wesenlike neerslae uraan is gevind: Trekkopje, 80 kilometer noordoos van Swakopmund, en Langer Heinrich, 80 kilometer na die binneland van Walvisbaai en 50 kilometer suidoos van Rössing af.
Gebruike van uraan Uraan word verryk ten einde:Amerikaanse departement van energie. 2022. https://www.energy.gov/ne/nuclear-fuel-facts-uranium#:~:text=Uranium%20is%20now%20used%20to,defense%20purposes%20around%20the%20world.
kommersiële kernkragsentrales aan te dryf; en
isotope te vervaardig wat gebruik word vir mediese, industriële en wapendoeleindes
Ontginning Uraanerts kan in oopgroef- of ondergrondse myne ontgin word waarna dit op die perseel fyn gemaal word om die uraan van die erts te skei. Verder kan uraanerts in direk in die ertsneerslag opgelos word waarna dit na die oppervlak gepomp word in ʼn proses wat in situ-loging genoem word. Uraan word as uraanoksiedkonsentraat (U3O8) in die mark verkoop.
Myne Daar is tans nege neerslae uraanerts in Namibië. Die grootste is die Husab-neerslag gevolg deur die Trekkopje-neerslag.
Die Husabmyn is die wêreld se tweede grootste uraanmyn en het in 2020 altesaam 3 302 ton uraan, oftewel 7 persent van wêreldproduksie gelewer. Die Rössingmyn is die wêreld se sesde grootste uraanmyn met produksie van 2 111 ton in 2020, oftewel 4 persent van wêreldproduksie. Die uiteindelike aandeelhouers van Husabmyn is die Chinese regering en die China General Nuclear Power-groep. Die Namibiese regering besit 10 persent van die myn.Namibiese Uraanvereniging. 2022. https://www.namibianuranium.org/husab-mine/Rössingmyn word deur die China National Uranium Corporation besit.
Ekonomiese bydrae van uraan Uraan ter waarde van net meer as $800 miljoen is in 2020 uit Namibië uitgevoer.Franse weermag. 2021. https://www.defense.gouv.fr/content/download/626120/10405443/file/202107-Uranium_in_Namibia_Afrique_australe-note-22.pdf Dit is die derde grootste uitvoerproduk naas koper en diamante. In 2020 het uraanmynbou 2,5 persent tot die land se bruto binnelandse produk bygedra teenoor 0,9 persent in 2016.
Verwysings
Kategorie:Namibië Kategorie:Mynbou