Antsiferof-eiland (Russies: Остров Анциферова, Ostrof Antsiferowa), ook bekend as Sjirinki (Russies: Ширинки; Japannees: 志林規島, Shirinki-tō) is 'n onbewoonde vulkaniese eiland van die Koerile-argipel in die See van Ochotsk, noordwestelike Stille Oseaan. Hy val in die Sachalin-oblast van Rusland.
Beskrywing thumb|250px|links|'n Nasa-foto van Antsiferof uit die ruimte. Die eiland se vorige naam, "Sjirinki", kom van die inheemse taal Ainoe en beteken "plek van hoë golwe". Sy huidige naam kom van die Kosak-ontdekkingsreisiger Danila Antsiferof, wat dit en ander noordelike Koerile-eilande in die 18de eeu die eerste keer beskryf het. Die naaste buureiland is Paramoesjir, sowat 15 km van daar oorkant die Straat van Loezjin.
Die eiland het 'n rofweg ronde vorm met 'n oppervlakte van 6 km2 Dit is 'n stratovulkaan met 'n deursnee van 4,25 km. Sy sentrale piek, Renge-dake (Japannees: 蓮華岳), is 761 m hoog en bestaan uit 'n kaldera van 0,75 km breed. 'n Groot deel van die eiland is bedek met pluimsteen, oorblyfsels van uitbarstings.
Verwysings
Skakels
Kategorie:Koerile