Orodes II (ook gespel Urud II; (Parties: , Wērōd/Urūd), was van 54 tot 37 v.C. die Arsakidiese koning van konings van die Partiese Ryk. Hy was die seun van Fraates III,; ; vir wie hy en sy ouer broer, Mitridates IV, vermoor het. Die broers het daarna in 'n dinastiese stryd betrokke geraak, wat Orodes gewen het.
Intussen het die Romeinse Republiek ooswaarts probeer uitbrei, en dit het tot 'n rampspoedige uiteinde vir die Romeinse generaal Crassus gelei toe hy in 53 v.C. in die Slag van Carrhae deur Orodes se generaal Surena verslaan is. Orodes self het die Koninkryk Armenië ingeval en koning Artavasdes II onderwerp. Die oorwinning by Carrhae het vir die Parters die gebiede oos van die Eufraat verseker. Orodes het egter daarna vir Surena, wie se sukses hom te gevaarlik gemaak het, laat vermoor. In 51 v.C. is die koning se seun, prins Pakoros, deur Cassius verslaan. In 38 v.C. is prins Pakoros deur Ventidius verslaan en vermoor. Orodes, wat erg geraak is deur die dood van sy gunstelingseun, het die troon aan 'n ander seun, Fraates IV, oorgegee en is kort daarna dood.
Verwysings
Bronne
Bivar, A.D.H. (1983). "The Political History of Iran Under the Arsacids". In Yarshater, Ehsan (red.). The Cambridge History of Iran, Volume 3(1): "The Seleucid, Parthian and Sasanian Periods". Cambridge: Cambridge University Press. pp. 21–99. .
Skakels
Kategorie:Konings van Partië