duimnael|regs|250px|Wynand Louw het die huidige kerkgebou van die NG gemeente Calitzdorp ontwerp.
Die NG gemeente Caliztdorp'''' is 'n gemeente van die Nederduitse Gereformeerde Kerk in die Sinode van Wes-Kaapland met as middelpunt die gelyknamige dorp in die Klein-Karoo aan die voet van die Swartberge.
Agtergrond Die gemeente is op 22 Februarie 1873 gestig, maar reeds in 1845 is Buffelsvlei as kerkplaas uitgegee en wel as ’n verafgeleë buitewyk van Mosselbaai. In 1852 is Oudtshoorn afgestig, en van toe af tot 1873 was Calitzdorp ’n buitewyk van laasgenoemde gemeente.
Die dienste is in die begin onder die lemoenbome gehou, nie ver van waar die brug nou oor die by die dorp rivier gaan nie. Die eerste kerkgebou is op 7 Junie 1857 ingewy en as gevolg hiervan besluit die kerkraad van Oudtshoorn om voortaan twee maal per jaar hier nagmaal te bedien. Maar intussen het die plan posgevat om hier ’n afsonderlike gemeente gestig te kry en met dié doel is ’n versoekskrif, vergesel van ’n waarborglys vir £185, op 22 April 1867 aan die kerkraad voorgelê.
Stigting duimnael|regs|270px|Carl Otto Hager was verantwoordelik vir die vergroting van die vorige NG kerk op Calitzdorp in 1880. Die oorspronklike kerkie is op 7 Junie 1857 ingewy. Hager het die plan vir die vergroting voorsien en is bygestaan deur sy skrynwerker-seun, J.C.M. Hager. Die vergrote kerk is op 11 September 1880 ingewy. Dis omstreeks 1910 gesloop.
Ds. T.J. van der Riet van Mosselbaai en ds. Dirk van Velden van Ladismith het die ou kerk se hoeksteen op 20 Februarie 1856 gelê. Dis op Saterdag 11 September 1880 opnuut ingewy nadat dit vergroot is volgens die plan van J.C.M. Hager, ’n seun van Carl Otto Hager, wat onder meer Ladismith, Albertinia en Ceres se ou kerke ontwerp het.
’n Kommissie bestaande uit Frederik Geyser, Petrus Claassen en J. J. Strydom is benoem om nog bydraes te kry. Die saak is om die een of ander rede vertraag en eers op 30 September 1872 is toestemming van kerkraadsweë tot afstigting verleen. Op 22 Februarie 1873 het die Ringskommissie byeengekom en is die gemeente formeel gestig. Iets meer as ’n jaar daarna was die nuwe gemeente, bevoorreg om sy eerste leraar, prop. Richard van Renen Barry, te ontvang, en het die kerkgebou gou geblyk nie groot genoeg te wees nie.
Op 11 September 1880 is die vergrote gebou plegtig ingewy. Hierdie tweede kerkgebou het die gemeente langer as 30 jaar as aanbiddingsplek gedien, tot dit ook later by groot kerkgeleenthede die skare nie kon bevat nie. Eindelik is besluit om dit af te breek en is die teenswoordige kerk, wat £13 000 gekos het. Dit is een van die Paarlse argitek Wynand Louw se vroegste kerke.
Na ’n geseënde bediening van 41 jaar moes ds. Barry die herderstaf vanweë afnemende kragte neerlê en vyf maande daarna is ds. G. J. du Plessis hier bevestig. Hy het hier gestaan tot 1925.
Predikante Andrew Thomas Barry, 1874 – 1915 Frans Hendrik Badenhorst, 1927 – 1937 Johannes W. Van N. Coetzee, 1935 – 1938 (vaste hulpprediker) Johannes Cornelis Smit, 11 Des. 1921 – 1922 Stephanus Francois Weich, 1938 – 1953 Johan Nicolaas Wilhelm de Jager, 1943 –1946 Marais, Schutz, 1948 – 1956 Jacobus Johannes Sieberhagen, 1957 – 1960 Izak Lambertus Vos, 1960 – 1964 Leon Skein, 1966 – 1968 Petrus Johannes Badenhorst, 1968 – 1942 Floris Nicolaas Marais, 1972 – 1978 Karl Bremer Gericke, 1978 -1981 Jurie Wessels, 1982 – 1995 Elbert Lucas De Kock, 1995 – 2010 Jan Gerhardus Van Tonder, 2011 – 2018 Jan-Hendrik Bronkhorst, 2018 – hede
Bron Olivier, ds. P.L. (samesteller). 1952. Ons gemeentelike feesalbum''. Kaapstad en Pretoria: N.G. Kerk-Uitgewers.
Kategorie:Nederduitse Gereformeerde Kerk in Suid-Afrika